Ƀơi mông bưp, djŏp rơnuk khua pơ ala mơnuih ƀôn sang dêh čar tơring čar Lâm Đồng, Dak Nông hăng Bình Thuận lăi pơthâo lu tơlơi lăp hơdor mơak, đăo kơnang kơ bruă pơmut hrŏm 3 boh tơring pok rai tơlơi gêh gal či đĭ kyar phrâo; čang rơmang ƀing khua pơtrut tui tơlơi rơgơi, tơlơi gơgrong bruă, gum pơgôp lu kơ Khua mua pơ ala mơnuih ƀôn sang dêh čar.

Pơhiăp ƀơi mông jơnum, ơi Y Thanh Hà Niê Kđăm, Khua ping gah tơring čar, Khua khul pơ ala mơnuih ƀôn sang dêh čar tơring čar Lâm Đồng pơsit, amăng 80 thun Ƀirô khua pơ ala mơnuih ƀôn sang dêh čar Việt Nam, djŏp rơnuk khua mua mơ̆ng Lâm Đồng leng kơ jê̆ giăm hăng mơnuih ƀôn sang, pơƀuh pran jua tơpă sit, tơlơi kiăng khăp mơ̆ng mơnuih ƀôn sang, pơgôp lu tơlơi či čih pơkra tơlơi phiăn lăp djơ̆, wai lăng hăng pơsit djŏp bruă yôm. Ră anai khul khua pơ ala mơnuih ƀôn sang dêh čar tơring čar Lâm Đồng hơmâo 19 čô, hơmâo 8 čô khua pơ ala mơ̆ng gơnong dlông hăng 11 čô khua mơ̆ng tơring čar./.