Amăng hră mơ-it bơni hơ-ơč anun, ƀing khua mua dêh čar Khač hơmâo bơni kơ boh tơhnal mơ̆ Việt Nam dưi ngă amăng bruă kơđi čar, bruă mơnuih mơnam hơđong ƀơi dêh čar, tơlơi bơwih ƀong huă đĭ hmar, tơlơi hơdip mơda mơnuih ƀôn sang hơđong tui, hmư̆ hing amăng jar kmar laih anun amăng kual ăt đĭ tui mơ̆n; tơlơi đăo kơnang yua ping gah Cộng sản Việt Nam git gai lŏn ia, kơjăp phik, sit mơ̆n Việt Nam amra kiăo tui jơlan hơdră mơnuih mơnam ngă khua pô lŏn ia djơ̆ lăp hăng tơlơi pơhing phrâo ră anai, pơphun tŭ yua jơnum ruah khua ping gah dêh čar tal XIV, kơjăp kơtang yak nao amăng rơnoh kiăng tơhnal pơkă pơ anăp adih truh 100 thun hơdor glăi hrơi akŏ pơdong ping gah, akŏ pơdong kơnuk kơna lŏn ia hơ-ĭn pran jua sit nik.

Khua mua dêh čar Nga ăt lăi pơtong, tơlơi rô nao rai dua bơnah pơđĭ kyar lu mơta, tơlơi hơdai gum hrŏm amăng bruă mă pơsir tơlơi hơmâo ƀơi kual hăng amăng jar kmar hlăk hơmâo ba glăi boh tơhnal tŭ yua hiam klă tui hăng anŏ pơpŭ nao rai tơdruă laih anun pơgang boh tŭ yua kơ tơdruă.