Yôm biă ñu, jơnum hơmâo 210 čô mơnuih lĕ ƀing rơgơi kơhnâo, ƀing čih boh pia, adôh suang hơmâo lu tơlơi dưi amăng bruă mă, pơgôp pơjing gơnong bruă boh thâo ia rơgơi, pơtô pơjuăt amăng lŏn ia hăng gru grua dêh čar Việt Nam yôm phara.

Đĭ pơhiăp amăng mông jơnum, Khua mir sir Võ Văn Thưởng pơdah tơlơi pơpŭ bơni hăng abih bang mơnuih rơgơi kơhnâo, ƀing čih boh pia, adôh suang-ƀing mơnuih rơgơi amăng lŏn ia ta hơmâo lu tơlơi gum pơgôp, abih pran jua mă bruă hăng pran khăp kơ ană mơnuih hăng lŏn ia ta, đăo gơnang, ƀing rơgơi kơhnâo, ƀing čih boh pia, adôh suang Việt Nam mah dŏ hơdip hăng mă bruă amăng lŏn ia hăng pơ tač rơngiao, hăng pran khăp hăng tơlơi gơgrong, tơlơi thâo thăi hăng thâo pơčeh phrâo lêng kơ pơgôp brơi lŏn ia ta tui tơlơi thâo phara; gum hrŏm hơkrŭ, ngă tui pran kơtang mut hrŏm djop djuai ania  hăng hơdôm anŏ yôm, gru grua hiam klă, ană mơnuih Việt Nam, pơjing pran kơtang amăng lăm, ba lŏn ia ta jai hrơi pơđĭ kyar, pơdrong asah.