Tlam lơ 18/8, ƀơi Hà Nội, Ding jum Kông an pơphun ngă lơphet Mă yua Anom djă pioh djŏp tơlơi pơhing hră pơ-ar dêh čar mrô 1 hăng lăi pơthâo mă yua sit nik Glông djă pioh djŏp tơlơi pơhing hră pơ-ar mơ̆ng Anom djă pioh djŏp tơlơi pơhing hră pơ-ar dêh čar. Anai hơmâo lăng jing phun atur brơi ƀuh djŏp tơlơi bơdjơ̆ nao tơlơi pơhing, hră pơ-ar, rup, djru čih pơkra hơdră ngă bruă, pơđĭ kyar hloh, akŏ pơjing Kơnuk kơna mă yua boh thâo mrô, abih bang mơnuih mă yua boh thâo mrô, hăng bơwih ƀong mrô, pơhlôm rơnuk rơnua hơđong lŏn ia.

Mơ̆ng hrơi mă yua sit nik, djŏp tơlơi pơhing, hră pơ-ar tum pơƀut mơ̆ng dêh čar ta hơmâo mă yua, jing djru ngă hră pơ-ar amuñ ƀiă, aset ƀiă, bơwih brơi bruă git gai mơ̆ng djŏp gưl. Nao pơhmư̆ hăng pơhiăp ƀơi mông jơnum, Khua dêh čar ơi Phạm Minh Chính lăi: Anih djă pioh djŏp tơlơi pơhing hră pơ-ar dêh čar khŏm jing “hơtai boh mơ̆ng pơplih mă yua boh thâo mrô dêh čar”; khŏm nao hlâo pơtruh, kah pơpha hăng pok djŏp tơlơi pơhing kiăng yua, laih anun pơjing rai tơlơi pơhing, hră pơ-ar rơnuk rơnua. Khua dêh čar kiăng Anom djă pioh djŏp tơlơi pơhing, hră pơ-ar Dêh čar mrô 1 kiăng anăp nao pơđĭ kyar sa kual pơtruh nao rai hơdeč hmar, tŭ yua hăng hơdôm Anih djă pioh tơlơi pơhing, hră pơ-ar pơkŏn hăng mut hrŏm hăng anih djă pioh tơlơi pơhing, hră pơ-ar ƀơi rŏng lŏn tơnah, blung hlâo lĕ pơtruh hăng kual ASEAN./.