Anai lĕ, hơdôm kơčăo bruă gah bruă čuk pơkra jơlan nao rai, ring bruă gah sang ia jrao, ring bruă sang hră pơtô hrăm, man pơkra đang bơnga anih ngui ngor-ĕp lăng gru grua đưm hăng lu ring bruă či kiăng biă mă.

Hơdôm ring bruă dưi pơphun mă bruă hăng ba yua tal anai lĕ kiăng pơđĭ tui boh tŭ yua hiam amăng tơlơi hơdip mơda brơi mơnuih ƀôn sang laih anun dŏ djru ngă pơhiam brơi jơlan glông nao rai, pơhưč tuh pơ alin hăng pơđĭ kyar amăng kual ataih hơdôm thun pơ anăp adih. Jơnum anai dưi pơphun ƀơi anih pơdă sang čơ, dưm pơdă rup gơnam tam gru grua dêh čar či să Đông Anh, Hà Nội, laih dơ̆ng dưi pơƀuh nao rai hăng 79 anih online pơdah thâo amăng tivi lăng nao rai mơ̆ng ataih ƀơi anih hơmâo kơčăo bruă, ring bruă pơphun mă bruă, ba yua amăng dêh čar. Mông jơnum anai, kiăng ba tơlơi pơhiăp kiăng lăi ngă khut khăt, glăm ba hăng pran jua tŭ ư hrŏm hơbit amăng abih bang glông bruă kơđi čar, ngă tui djop tơhnal pơkă pơđĭ kyar, bang bơngač, lăp pơ-ư ang, tơlơi gum pơgôp hăng man pơdong lŏn ia Việt Nam jai hrơi pơdrong sah.

Ƀơi mông ba yua anih pơdă sang čơ, rup rap gơnam tam dêh čar, Khua git gai ping gah ơi Tô Lâm hăng Khua dêh čar ơi Phạm Minh Chính hơmâo jao miđai mă bruă mrô sa, mrô klâo kơ lu khul grup, mơnuih hơmâo pơgôp prong yom phara amăng tơlơi bơwih ƀong huă pơđĭ kyar mơnuih mơnam ƀơi plơi prong jưh jom hăng dêh čar. Ƀơi kual Dap Kơdư-Dơnung Tong krah ƀrô tal anai mơ̆n, hơmâo 4 kơčăo bruă, ring bruă ba yua hăng tơgŭ ngă, amăng anun tơring čar Gia Lai hơmâo 3 ring bruă, Dak Lak hơmâo 3 ring bruă, Khánh Hòa 4 ring bruă, Lâm Đồng 4 ring bruă.