Pơhiăp ƀơi mông ngă yang, Khua pơ ala mơnuih ƀôn sang gơnong dlông Lae Dilokvidhyarat - sa čô nai prin tha mơnuih Thái samơ̆ djon djuai phun ñu mơtăm lĕ Việt Nam ta - pơsit: anai ƀu kơnong jing hrơi či pơpŭbơni, lăp hơdor đôč ôh ăt jing hrơi či pioh amăng pran jua tơlơi khăp ƀu-eng, gơgrong bruă hăng gum pơgôp amăng mơnuih ƀôn sang ta pơ čar rơngiao.

Hrơi anai pơƀuh pran jua thâo khăp “Mơñum ia hơdor kơ pô klơi”, laih dong pơtă kơ anŏ yôm mơ̆ng tơlơi rơngai - atur kơ tơlơi đĭ kyar kjăp hăng yâo mơak mơ̆ng ană mơnuih ta. Tơlơi jơnum anai djru ngă dlăm tui gru grua djuai ania, hruă kjăp hloh djŏp rơnuk mơnuih Việt Nam ta dŏ pơ dêh arăng, gum bơbă tui klă hloh kơ sa kual mơnuih ƀôn sang jê̆ giăm, thâo gum djru nao rai, thâo khăp pap, hơdip hiam hăng lăng glăi Lŏn ia.