Amăng hơdôm hrơi nao čuă jơmư ƀơi dêh čar Argentia, ơi Nguyễn Trọng Nghĩa hơmâo bưp bơkơtuai hăng Khua git gai jang jai ping gah Cộng sản Argentina, ơi Jorge Kreyness; Khua anom bruă pơtom hiăp, khua hơđăp ding jum ling tơhan hăng pơtom hiăp dêh čar Argentina, Jorge Taiana. Grup khua mua dêh čar ta ăt hơmâo nao jơnum hrŏm jar kmar hăng akŏ tơlơi jơnum “Khua mir sir Hồ Chí Minh hăng tơlơi rô nao rai plah wah Việt Nam-Mỹ La-tinh”, nao dưm guang bơnga ƀơi rup trah Khua mir sir Hồ Chí Minh laih anun nao čuă sang bruă khua anih jưh pơ ala Việt Nam ƀơi Argentina.

Kơ bruă ngă pŭ ƀăn plah wah Việt Nam-Argentina, dua bơnah hơmâo pơčrong sai nao rai hăng tŭ ư ăt pơtrut bruă pơblih nao rai grup khua mua čuă jơmư, kơtưn bưp nao rai lu hloh, kiăng pok prong bruă ngă hrŏm djop gưl, pơphun lu anom bruă khul mơnuih ƀôn sang rô nao rai ngă pŭ ƀăn; pơđĭ tui boh tŭ yua ngă tui tơlơi phiăn ră anai, pok pơhư prong hloh, lu tui tơlơi pơkă kơ bruă mă pơkŏn dơ̆ng; kơtưn kah pơpha tơlơi pơhing, tơlơi thâo bruă tom găn rơgao amăngh akŏ pơdong ping gah hăng pơđĭ kyar lŏn ia; ngă hrŏm hăng dong yua tơdruă  amăng mông jơnum prong jar kmar hăng amăng kual.