Pơđok lăi pơthâo amăng mông ngă lơphet, Khua git gai Ping gah dêh čar ta ơi Tô Lâm lăi rơđah, črăn jơlan 80 thun bă kơ tơlơi tơnap tap samơ̆ hur har, ƀing ta hmâo pơtŏng sit laih tơlơi tơpă djơ̆: gah yŭ khăn gru ư-ang mơ̆ng Ping gah, hăng bơngač rơđah Hồ Chí Minh pơčrang jơlan, hluai tui pran kơtang mơnuih ƀôn sang hăng pran gum hrŏm hơbit djuai ania, ƀu hmâo tơnap tap, tơlơi lông hơpă mơ̆ mơnuih ƀôn sang ta ƀu dưi yak rơgao; ƀu hmâo tơhnal hơpă klă hiam mơ̆ djuai ania ta ƀu dưi ngă.

Tơdơi kơ mông pơđok lăi pơthâo mơ̆ng Khua git gai Ping gah dêh čar ơi Tô Lâm mơtăm, mông ngă lơphet tô̆ tui hăng Jơlan hơdră rơbat trui hơdor glăi 80 thun bruă Hơkrŭ blan 8 truh kih (19/8) hăng Hrơi pơsit pơdŏng lŏn ia djop mơnuih dưm kơnar Việt Nam lơ 2/9 hăng tơlơi gum hrŏm mơ̆ng năng ai ñu 30.000 čô mơnuih, amăng anun hmâo hơdôm khul ling tơhan, mơnuih ƀôn sang hăng khul juăt rơbat trui ling tơhan mơ̆ng hơdôm bôh dêh čar pơkon jak iâo hmâo Khač, Nga, Lao, Kur. Mông ngă lơphet hơdor glăi sa wot dong pơtŏng sit pran jua ngă Hơkrŭ blan 8 hăng Hrơi pơdŏng lŏn ia djop mơnuih dưm kơnar Việt Nam kơjăp phik; pioh pran jua anun jing tơlơi ư-ang na nao, jing pran pơtrut abih bang djuai ania Việt Nam tô̆ tui pran jua kơjăp, čang rơmang rơngai – dưi pô – yâo mơ-ak mơ̆ng ơi yă ta, bư̆ bôr đĭ pran gơgrong, bôh thâo ia rơgơi, pơplih phrâo kơtang, pơčeh phrâo ƀu pơdơi, pơsit pran jua pơdŏng sa Việt Nam pơđĭ kyar abih bang, kơjăp phik amăng rơnuk phrâo – rơnuk hrưn đĭ pô mơ̆ng djuai ania Việt Nam./.