Pơhiăp amăng mông ngă lơphet, Khua Grŭp git gai Ping gah dêh čar ơi Lương Cường lăi rơđah: Bruă Hră pơhing phrâo Nhân Dân pơphun lăi pơthâo tơlơi pơhing phara “Khua git gai Ping gah Nguyễn Phú Trọng - Pô git gai hmâo pran jua klă, hmâo bôh thâo prong mơ̆ng Ping gah” jing bruă mă tŭ yua sit nik, djru mơnuih apăn bruă ping gah mơnuih ƀôn sang hăng gơyut gơyâo jar kơmar thâo rơđah hloh kơ tơlơi hơdip, bruă mă, hơdôm pran jua tuh rơyuh prong prin mơ̆ng Khua git gai Ping gah Nguyễn Phú Trọng, pô git gai rơgơi, sa kơnuih prong, gru ba jơlan pran jua ngă hơkrŭ, klă hiam.

Ơi Lương Cường rơkâo Grŭp pơtô bruă Ping gah dêh čar ta pơlar hyu bôh yôm plăng tơlơi pơhing phara kơ “Khua git gai Ping gah Nguyễn Phú Trọng - Pô git gai hmâo pran jua klă, hmâo bôh thâo prong mơ̆ng Ping gah”. Mơ̆ng anun rŭ đĭ pran đăo kơnang, ư-ang mơ̆ng mơnuih apăn bruă, mơnuih ping gah anăp nao Ping gah ư-ang, kơ Wa Hồ krên dên, kơ djuai ania Việt Nam sông kơtang, rŭ tơgŭ tơlơi čang rơmang pơđĭ kyar lŏn ia pơdrŏng asah, yâo mơ-ak./.