Pơhiăp klah čun ƀơi mông jơnum, ơi Tô Lâm Khua git gai ping gah lăng yom tơlơi pơgôp hiăp khut khăt, tong ten mơ̆ng khua mua ping gah Ding jum pơtom hiăp, ping gah ling tơhan hăng ping gah tơhan kông an dêh čar. Khua git gai ping gah lăi pơtong, tơlơi kiăng git gai mơ̆ng ping gah khom pơtrut bruă ngă pơtom hiăp, mut phung jar kmar jing sa bruă mă phun, bruă ngă na nao, laih dơ̆ng lăi pơtong anŏ yom mơ̆ng bruă ngă hrŏm klâo tơmeh phun gơgrong ba:

Pơgang lŏn ia, tơlơi rơnuk rơnua, pơtom hiăp. Ơi Tô Lâm rơkâo ping gah ding jum pơtom hiăp ăt ngă hrŏm tong ten hăng djop ding jum, anom bruă, djop tơring čar pok pơhai sa hơnơ̆ng, tŭ yua djop bruă mă pơtom hiăp. Khua git gai ping gah pơtă pơtăn anom bruă pơtom hiăp khom thâo ten tơlơi pơhing, pơđĭ tui boh tŭ yua amăng bruă mă hăng hmao pơsir tơlơi hơmâo laih dơ̆ng kơsem min, lăi pơthâo hăng ping gah laih anun kơnuk kơna dêh čar kiăng hơmâo hră pơtrun git gai djơ̆ lăp. Pơtrun hiăp abih bang mơnuih mă bruă amăng glông bruă pơtom hiăp dêh čar djă ba tơlơi gơgrong phun nao hlâo akŏ pơjing bruă mă pơtom hiăp rơnuk rơnua hơđong, hneč mă anŏ gêh găl mơ̆ng jar kmar pioh ngă tui tong ten djop tơhnal pơkă pơđĭ kyar lŏn ia truh thun 2030-2045.