Mơguah tom brơi (lơ 17/9), ƀơi Anih jơnum Sang hră Kơđi čar ƀôn prong Đà Nẵng hơmâo pơphun Jơnum ruah khua Ping gah ƀôn prong Đà Nẵng tal 1, rơwang thun 2025-2030. Pơhiăp git gai mông jơnum, Khua gum bruă git gai Ping gah ơi Trần Cẩm Tú lăi pơtŏng: Jơnum ruah khua ping gah tal 1 ƀôn prong Đà Nẵng hơmâo pơsit tơlơi gơñăm nao, bruă kiăng ngă rơwang thun 2025-2030 ƀơi djŏp bruă mă: bơwih ƀong, gru grua, mơnuih mơnam, ayuh hyiăng, pơgang lŏn ia, rơnuk rơnua hăng bruă akŏ pơjing Ping gah.

Ơi Trần Cẩm Tú kiăng Ping gah ƀôn pỏng pơƀut akŏ pơjing Ping gah hăng anom bruă kơđi čar mă bruă tơpă sit, klă, kjăp kơtang; akŏ pơjing mơnuih mă bruă rơgơi, biă ñu lĕ ƀing khua khŏm hơmâo tơlơi pơmin hiam, rơgơi, khin pơmin, khin ngă, khin pơplih phrâo yua kơ tơlơi tŭ yua hrŏm. Ƀơi mông Jơnum ruah khua ping gah ƀôn prong Đà Nẵng tal 1, rơwang bruă 2025-2030, hơmâo lăi pơthâo tơlơi pơsit mơ̆ng Gơnong dlông kơ bruă pơsit Khul khua apăn bruă git gai Ping gah ƀôn prong Đà Nẵng rơwang bruă phrâo hơmâo 75 čô. Ơi Lương Nguyễn Minh Triết ăt ngă Khua ping gah ƀôn prong Đà Nẵng mơn amăng rơwang bruă phrâo 2025-2030.