Ƀơi mông jơnum, dưi hơmâo tơlơi dưi jao brơi mơ̆ng Khul apăn bruă git gai ping gah dêh čar hăng Khua anom pơphun bruă ping gah dêh čar, ơi Phan Thăng An, Kơ-iăng Khua anom pơphun bruă ping gah dêh čar lăi pơthâo hră pơtrun mơ̆ng Khul apăn bruă git gai ping gah dêh čar ruah, jao bruă kơ ơi Trần Hồng Thái, ding kơna apăn bruă ping gah, Kơ-iăng Khua ding jum Boh thâo hăng Ia rơgơi, glăi ngă bruă hrŏm khua mua apăn bruă ping gah, khul apăn bruă phun ping gah, ngă kơ-iăng khua git gai ping gah tơring čar Lâm Đồng rơwang bruă thun 2021-2025 hăng lăi pơthâo ngă khua Jơnum min mơnuih ƀôn sang tơring čar Lâm Đồng, rơwang bruă thun 2021-2026.

Ơi Trần Hồng Thái thun tơkeng 1974, plơi pla phun tơring glông Can Lộc, tơring čar Hà Tĩnh, hrăm prong truh nai tha prin, nai prin tha pơ sang hră gưl prong dêh čar Nga, ngă pơgiong kơčăo bruă kơsem min boh thâo nai prin tha gah bruă kơsem min Boh thâo ia rơgơi boh lŏn hăng hrăm toán ƀơi sang hră gưl prong heidelberg dêh čar Đức.