Pơ ala brơi kơ khua mua ping gah, Kơnuk kơna, ơi Trần Thanh Mẫn, Khua git gai pơ ala mơnuih ƀôn sang dêh čar bơni hăng lăng yôm hơdôm tơlơi gir run, boh tơhnal dưi ngă tŭ yua sit nik mơ̆ng Khul kơsem min ia rơgơi tơlơi kơhnâo hăng mơneč phrâo Việt Nam, ƀing mơnuih kơhnâo rơgơi kơsem min boh thâo phrâo hăng tơlơi pơhing dêh čar. Biă mă ñu apah bơni, pơpŭ brơi kơ 135 čô mơnuih rơgơi kơhnâo thâo hră kơsem min ba gru hlâo tal anai.

Tui hăng ơi Trần Thanh Mẫn lĕ, khul grup mơnuih rơgơi kơhnâo khom thâo hluh bruă phrâo, tơlơi pơmin djơ̆ rơ-uă amăng boh thâo ia rơgơi phrâo hăng lu hơdră kơsem min ngă tui, ba glăi boh tŭ yua kơ tơlơi kơhnâo ia rơgơi tơlơi pơhing hmar, jing pran kơtang pơtrut pơđĭ kyar lŏn ia. Ping gah, Kơnuk kơna đing nao biă mă hăng đăo kơnang kơ khul mơnuih kơsem min boh thâo ia rơgơi phrâo dêh čar; akŏ pơdong khul mơnuih mă bruă thâo rơgơi kjăp hlom bom hăng pơđĭ kyar tong ten jing bruă gơgrong ba mơ̆ng Ping gah, Kơnuk kơna, mơ̆ng djop glông bruă kơđi čar hăng mơnuih mơnam dêh čar.