Hăng boh pia kơ tal jơnum “Gum pơgôp, Ngă khua pô-Gơgrong ba-Pơblih phrâo-Pơđĭ kyar”, jơnum anai pơdah thâo lu akŏ bruă, tơhnal pơtrun, bruă mă yôm kiăng pơđĭ tui tơlơi bơ tŭ ư nao rai sa pran jua amăng mơnuih mơnam, djă kjăp tơlơi gum pơgôp khul djop djuai ania. Tui hăng hră lăi pơthâo ƀơi mông jơnum, amăng 5 thun laih rơgao, bruă mă mơ̆ng Jơnum min djop djuai ania mơnuih mơnam ƀơi djop gưl hăng djop anom bruă ding kơna ƀơi tơring čar Dak Lak hơmâo lu tơlơi pơblih phrâo, djă bong kjăp tơlơi gơgrong amăng bruă mă hăng bruă kơđi čar mơnuih mơnam.

Jơnum anai hơmâo tŭ ư hrŏm lăi pơthâo 93 čô mơnuih ngă ding kơna Jơnum min djop djuai ania mơnuih mơnam Việt Nam tơring čar Dak Lak tal XV,  rơwang bruă thun 2024-2029. Ơi Y Giang Gry Niê Knơ̆ng dưi ruah djơ̆ anăn glăi ngă khua Jơnum min djop djuai ania mơnuih mơnam Việt Nam tơring čar Dak Lak rơwang bruă phrâo. Ơi Y Giang Gry đĭ pơhiăp lăi, pơ anăp anai, Jơnum min djop djuai ania mơnuih mơnam Việt Nam tơring čar Dak Lak ăt pơtrut tui boh tŭ yua amăng bruă krăo lăng hăng drơ̆ng glăi amăng mơnuih mơnam, pơđĭ tui tơlơi dưi ngă pô kơ djop mơnuih hăng kơtưn ngă kjăp amăng khul gum pơgôp djop djuai ania.