Jơnum ngui sầu riêng hăng anăn ñu “Sầu riêng Krông Pač – Pơđĭ kyar hăng mut hrŏm” pơphun mơ̆ng mơmot lơ 31/8 truh lơ 2/9 ƀơi kual krah tơring kual Phước An hăng sa dua bôh să amăng tơring glông Krông Pač, tơring čar Dak Lak.

Hrŏm hăng jơnum ngui pok phun, jơnum pơđut hăng jơlan hơdră pơanah mlăi bơnga thâo, amăng rơwang jơnum ngui amra pơphun hơdôm bruă mă kah hăng: Jơnum ngui pơplông mơnuih pla sầu riêng rơgơi; Jơnum ngui lăi pơthâo gơnam OCOP; Hrơi jơnum ngui bôh thâo gơnam ƀong huă djop djuai ania; găn rơgao lông ƀong lăng sầu riêng ƀơi đang pla... Gum hrŏm hăng tơring glông amăng bruă pơphun jơnum ngui sầu riêng ƀơi Krông Pač, Anom bruă apui lơtrik Dak Lak hmâo ngă giong hơdôm bruă pơhlôm pơkĕ apui lơtrik pơhlôm. Gơnong bruă apui lơtrik hmâo pel ĕp glăi, hơduah ĕp lăng abih bang glông hrĕ apui hăng anih tơtăng tơdu apui amăng tơring glông; hrŏm hăng anun ngă tui bruă pơdŏng gŏng hrĕ apui, anih tơtăng tơdu djă hyu hăng pơpha măi pơkĕ apui pơhlôm hlâo djru hơdôm bruă jơnum ngui ƀơi Tơdrŏn lak Tân An./.