Pơhiăp ƀơi mông jơnum, dua bơnah lăng yôm biă tơlơi ngă hrŏm gah ling tơhan jai hrơi đĭ kyar, gum pơgôp prong kơ tơlơi rơnuk rơnua, hơđong amăng kual. Đại tướng ơi Phan Văn Giang bơni kơ Singapore hơmâo djru prăk hrăm hră, čơkă khua tơhan Việt Nam mă bruă ƀơi Anom bruă kah pơpha tơlơi pơhing rơnuk rơnua ia rơsĭ.

Khua ding jum Chan Chun Sing čang rơmang pơđĭ tui tơlơi ngă hrŏm amăng djŏp bruă, biă ñu pơtô rơguăt mơnuih mă bruă hăng kah pơpha, lăi pơthâo nao rai tơlơi pơhing rơnuk rơnua. Ñu pơsit amra čơkă khua tơhan Việt Nam nao hrăm pơ Singapore, pơđĭ tui tơlơi rơgơi pơgang lŏn ia mơ̆ng dua boh dêh čar amăng hrơi mông amăng kual hơmâo lu tơlơi pơplih ƀu thâo hlâo./.