Amăng 2 hrơi, 200 čô mơnuih hrăm lĕ ƀing khua, mơnuih apăn bruă kơnuk kơna mơ̆ng tơring čar hăng mơ̆ng să amra hơmâo hrăm tơlơi phiăn phrâo, ngă kjăp bruă kah pơpha, pơkra hră pơ-ar, pơtom hiăp, pơsir tơlơi tơnap hăng mă yua boh thâo mrô amăng bruă čơkă mơnuih ƀôn sang nao ngă hră.

Tui hăng ơi Ngô Kiểm, Khua pel ĕp kơđi tơring čar Lâm Đồng, bruă pok anih pơtô hrăm anai ƀu kơnong pơđĭ tui anŏ klă, tŭ yua bruă čơkă mơnuih ƀôn sang đôč ôh ăt pơdah pran jua gir akŏ pơdong anom bruă kơnuk kơna mă bruă tơpă sit, tŭ yua, ngă kjăp tui tơlơi đăo kơnang mơ̆ng mơnuih ƀôn sang. Laih dong lăi dlăm, rơdah pơ să ngă klă, pơsir brơi mơ̆ng blung mơtăm, amra plai ƀiă hơmâo bruă tơgŭ kơđi rơgao gưl să, djru git gai gong gai dua gưl mă bruă klă hloh.