Đĭ pơhiăp amăng mông jơnum, Khua git gai pơ ala mơnuih ƀôn sang dêh čar ơi Trần Thanh Mẫn lăi rơđah kiăng kiăo tui tơlơi pơkă hơmâo ba tơbiă mơng akŏ rơwang mă bruă, anai lĕ tơlơi kiăng ngă tui hloh kah pơhlôm klă bruă čih pơkra tơlơi phiăn, anăm kiăng lu đơi ôh, kơnong hơdôm črăn tơlơi phiăn klă hloh, dưi pơsir hĭ lăp djơ̆ hơdôm tơlơi gun găn kah mơ-it nao Khua pơ ala mơnuih ƀôn sang dêh čar tŭ yap mă yua.

Tơdơi kơ mông pơphun, ƀing khua mua pơgôp hiăp kơ črăn tơlơi phiăn dưm dăp man pơdong plơi prong hăng plơi pla ƀon lan. Amăng anun, boh tơhnal dưm dăp man pơdong ƀôn prong hơmâo lu khua mua đing nao pơgôp hiăp. Sa, dua tơlơi pơgôp hiăp rơkâo dưm dăp man pơdong plơi pla kiăng pơhlôm ha amăng plĕ kơ man pơdong, ring bruă mơnuih mơnam, anih anom măi mok hăng hơdôm ring bruă gah gŭ lŏn.