Rơwang bruă pơkra pơhư prong jơlan 28B mơ̆ng tơring čar Lâm Đồng hmâo rơwang ataih rơbêh kơ 68km, ƀing gơgrong man pơkra glăi hmâo pơkra laih giăm truh 40km atur jơlan, pơkra atur bôh pơtâo giăm truh 58km, raih ƀê tông kơ su rơbêh kơ 31km. Rơwang bruă pơkra glăi, pok prong jơlan 28B hmâo abih bang prăk mă yua rơbêh kơ 1.400 klai prăk yua kơ Anom wai lăng jơlan nao rai Việt Nam ngă pô tuh pơplai.

6 bôh tơdrôn tua mơ̆ng rơwang bruă hmâo rơnoh tơnap pơkra hloh, yua kơ anih anom kơdư dơnung hăng ayuh hyiăng adai hơjan. Jơlan 28B lĕ sa amăng hơdôm ară jơlan phun tô kual ia rơsĭ hăng čư̆ siăng gah tơring čar Lâm Đồng. Ră anai pô tuh pơplai rơwang bruă lĕ Anom wai lăng jơlan nao rai Việt Nam hăng Jơnum min mơnuih ƀôn sang tơring čar Lâm Đồng glăk gum hrŏm klă pơtrut rơnoh bruă man pơkra hmao giong bruă pơkra glăi, pok prong jơlan nao rai amăng blan 12 thun anai./.