Tal anai tơring čar pơplih anih mă bruă, ruah pơhrua lu khua mua amăng hơdôm gơnam bruă, anom bruă, sang bruă, gong gai ƀon lan amăng tơring čar. Tui anun, ơi Hoàng Văn Bằng, ding kơna Ping gah tơring čar, khua anom bruă Ping gah tơring čar Lâm Đồng hơmâo jao bruă amăng Jơnum min mơnuih ƀôn sang tơring čar Lâm Đồng kiăng kơ ngă Khua gơnong bruă pôr pơhing; ơi Nguyễn Văn Phương, Kơ-iăng khua git gai Ping gah plơi prong, Khua Jơnum min mơnuih ƀôn sang plơi prong Bảo Lộc jao bruă amăng Khul pơ ala mơnuih ƀôn sang tơring čar kiăng kơ ngă Khua anom bruă phiah phiăn Khul pơ ala mơnuih ƀôn sang tơring čar Lâm Đồng rơwang thun 2021-2026; ơi Ngô Văn Ninh, Khua anom bruă Jơnum min mơnuih ƀôn sang tơring čar tơring čar Lâm Đồng, hơmâo jao bruă amăng Khul apăn bruă Ping gah, Khul djru bruă Ping gah, ñu ngă Kơ-iăng Khua git gai Ping gah plơi prong Bảo Lộc, hăng lăi pơthâo kiăng Khul pơ ala mơnuih ƀôn sang plơi prong Bảo Lộc ruah ngă Khua Jơnum min mơnuih ƀôn sang plơi prong Bảo Lộc…