Tui hăng akŏ bruă, hrơi jao Pri Diên hồng amra pơphun amăng lơ 9/6 ƀơi Sang gru grua Việt Xô. Anai jing tơlơi pơhing lăp đing nao ƀơi mông Jơnum tal 1 mơng Khul čŏm puang Pri Diên hồng hơmâo pơphun abih mông tlam anai ƀơi Sang bruă khua pơ ala mơnuih ƀon sang dêh čar. anai jing pri čih hră pơhing prong gah anom bruă yua mơnuih ƀon sang ruah, yôm biă mă, hơmâo khua mua pơ ala mơnuih ƀon sang lăp đing nao.

Pri anai hơmâo pơhưč lu anom bruă čih tơlơi pơhing, mơnuih čih hră pơhing. Dong mơng hrơi pơphun ngă truh abih lơ 30/4, Khul pơplông mă pri hơmâo mă rơbêh 3.000 tơlơi pơhing ba pơplông. Hơdôm tơlơi pơhing anai hơmâo kah phara mơn, bơwih brơi bruă cŏm puang kiăng amuñ hloh. Hăng ƀing čih tơlơi pơhing, tơlơi pơhing hơmâo mă pri, Khua mua pơ ala mơnuih ƀon sang dêh čar amra brơi prăk, brơi Hră pơsit mă pri; brơi prăk hăng brơi hră bơni hăng anom bruă čih tơlơi pơhing hơmâo mă pri.