Anom bruă Khul djop sang bruă kơnuk kơna hăng sang bruă mơdrô tơring čar Dak Lak ngă hrŏm Sang ia jrao djă pioh drah-brơi drah dêh čar pơphun Hrơi jơnum prong pơyơr drah tal 2 thun 2024. Hrơi jơnum prong anai hơmâo 400 čô tơdăm dra hlăk ai nao pơyơr drah, mơ̆ng anun hơmâo pơhrui glăi 382 anung drah pioh bơwih brơi bruă pơjrao, pơklaih brơi mơnuih kraih duăm ruă. Amăng anun, lu biă mă ñu lĕ mơnuih apăn bruă, mă bruă apah amăng anom bruă apui lơtrik tơring čar Dak Lak hơmâo rơbêh 50 čô mơnuih nao pơyơr drah.

Hrơi jơnum mơak pơyơr drah anai jing bruă mă khom pơphun na nao amăng hơdôm thun laih rơgao, pơhưč lu hlăk tơdăm dra nao pơyơr drah, wơ̆t mơnuih ƀôn sang hai ăt nao čih anăn pơyơr drah, kiăng bang bơngač bruă ngă hiam amăng kual plơi pla mơnuih mơnam.