Tlam lơ 8/9, Jơnum min mơnuih ƀôn sang tơring čar Gia Lai jơnum pơtong glăi tơlơi pơhing bơwih ƀong huă mơnuih mơnam blan 8 phrâo laih rơgao.

Lăng nao kơ rup rap tơlơi pơhing bơwih ƀong huă tơring čar Gia Lai hơmâo lu anih bơngač, samơ̆ kiăng pơtrut kơtang ba yua prăk tuh pơ alin phrâo dưi ngă djơ̆ tơhnal pơkă pơđĭ kyar 8% sa thun.

Tui hăng tơlơi lăi pơthâo, rơnoh pơkă pơkra ming mơ̆ng măi mok blan 8 tơring čar Gia Lai đĭ tui 6,8% pơkă hăng tal anai thun hlâo; bruă čơkă tuai dưi rŭ glăi 9,8 klăk wơ̆t tuai nao ngui, đĭ tui 16%; prăk pơhrui glăi mơ̆ng sĭ mơdrô hăng tač rơngiao truh 2,18 klai USD, dưm dưm hăng ¾ rơnoh pơkă sa thun. Prăk pơhrui glăi 8 blan laih rơgao truh 18.395 klai prăk.

Khă hnun, rơnoh prăk tuh pơ alin bruă čar ƀơi Gia Lai kiah ngă tui djop 60% đôč, tui hăng akŏ bruă jao. Lu kơčăo bruă phun ăt bưp tơlơi gun tơnap ngă hră pơar, duh glăi lŏn pioh čuk pơdăo hăng bruă ngă kaih đơi. Ƀơi anăp kơ tơlơi anai, ơi Phạm Anh Tuấn, Khua Jơnum min mơnuih ƀôn sang tơring čar Gia Lai pơtrun hiăp brơi gir run hloh pơsir djop ring bruă čuk pơkra jơlan phun. Khua mua djop gơnong bruă, sang bruă kơnuk kơna amăng tơring čar khom nao tơl anih git gai bruă mă, ĕp lăng, jŭ yap glăi tong ten rim črăn bruă; dăp hơdră brơi mă yua prăk kăk tuh pơ alin hmao klôn pơsir hĭ tơlơi tơnap tap.