Amăng mông ngă lơphet, khua tơring čar Kon Tum bơni gơnong bruă pơtô pơhrăm hrŏm hăng ƀing nai mơ̆ng tơring čar amăng hơdôm thun rơgao hmâo pok pơhai, ngă tui ha amăng plĕ hơdôm bruă jao, jơlan pơsir pơplih phrâo phun than, abih bang bruă pơtô pơhrăm ƀơi tơring čar. Ƀuh rơđah hloh lĕ djă pioh kơjăp bruă pơtô pơhrăm čơđai anet 5 thun, pơtô pơhrăm gưl sa hăng gưl 2; hơdôm bruă bơkơtưn pơtô hăng pơhră, pơsur bruă hrăm hră, thâo bruă, pơjing mơnuih mơnam pơhrăm dưi đing nao.

Tal anai, nai Thái Khắc Hòa, Khua Anom bruă pơtô pơhrăm plơi prong Kon Tum ư-ang dưi hmâo mă hră pơ-anăn Nai rơgơi yua kơ Khua mir sir dêh čar ta ƀơk brơi. Ding jum pơtô pơhrăm dêh čar ƀơk hră bơni 2 čô nao mơbruă thun 2024 ƀơi tơring čar Kon Tum; Khua Jơnum min mơnuih ƀôn sang tơring čar Kon Tum ƀơi Krăn gru bơkơtưn thun hrăm 2023-2024 kơ 16 grŭp./.