Tơdơi giăm 7 blan thun 2025, pơsir prăk tuh pơplai bruă hrŏm mơ̆ng tơring čar Lâm Đồng kơnong kơ hmâo rơbêh kơ 27%. Thun 2025 abih bang prăk tuh pơplai bruă hrŏm, hmâo amăng sa thun 2024 hơdai nao mơ̆ng tơring čar Lâm Đồng lĕ rơbêh kơ 18.900 klai prăk. Yap giăm truh krah blan 7, tơring čar phrâo pơsir mă rơbêh kơ 4.380 klai prăk, hmâo rơbêh kơ 27%.

Tui hăng Jơnum min mơnuih ƀôn sang tơring čar Lâm Đồng, bôh than ba truh yua kơ hơdôm ring bruă mă yua ngăn rơnoh tuh pơplai bruă hrŏm ƀơi 3 kual, amăng anun hmâo tơring čar Dak Nông, Bình Thuận hăng Lâm Đồng hơđăp leng kơ gun bruă pơsir anih anom mă yua, biă ñu hơdôm ring bruă phun jơlan nao rai kiăng hmâo lu prăk mă yua. Ơi Hồ Văn Mười, Khua Jơnum min mơnuih ƀôn sang tơring čar Lâm Đồng, brơi thâo, tơring čar Lâm Đồng glăk khut khăt pok pơhai ngă tui lu jơlan gah pioh pơtrut tañ rơnoh pơsir prăk mă yua bruă hrŏm, amăng anun phun ñu lĕ bruă pơsir anih anom mă yua kơ ring bruă./.