Tơdơi kơ 32 thun akŏ pơdong hăng pơđĭ kyar, sang bruă gong phun jua pơhiăp Việt Nam ƀơi kual Dap Kơdư hơmâo pơƀuh brơi rơđah tơlơi glăm ba amăng bruă mă, jing sang bruă pôr tơlơi pơhing mơ̆ng gơnong dlông pơdong ƀơi kual, hơmâo pơphun pơtui jua pơhiăp hơdôm djuai ƀiă, pơtui amăng gong phun jua pơhiăp dêh čar.

Hrŏm hăng bruă čih pơkra, pơblang hăng pôr tơlơi pơhiăp 6 djuai ania ƀiă kah hăng: Êđê, Jarai, Bahnar, Sedang, K’Ho hăng Bơnông, hrip mă jua pơhiăp hơdôm djuai ania Hmông, Thái mơ̆ng kual gah kơdư, pioh pôr glăi amăng kual Dap Kơdư, sang bruă jua pơhiăp Việt Nam ƀơi kual Dap Kơdư dŏ djă pioh lu tơlơi adoh đưm, jua čing hơgor, tơlơi akhan hri amăng kual Dap Kơdư pioh pơtui amăng brô̆ brơi ơi pang yă dôn hăng ƀing gơyut hmư̆ brô̆ thâo; wơ̆t hăng bruă kơsem min boh thâo ia rơgơi, pơblih pơtui jua pơhiăp kiăng ba tơlơi pơhing djop mơta bruă mă kơđi čar, tơlơi dŏ dong ƀong huă mơnuih mơnam amăng kual, tơlơi pơhing hơmâo in pơkra, pơdah thâo, pôr jua pơhiăp djop mơta anŏ ba tơlơi pơhing Gong phun jua pơhiăp Việt Nam. Ơi Đinh Hữu Trường, Khua hơđăp anom bruă khul čih tơlơi pơhing VOV Tây Nguyên pơdah rai pran jua ñu, hơ̆k mơak tơlơi gum pơgôp mut hrŏm mơ̆ng abih bang khua mua, mơnuih mă bruă amăng sang bruă jing atur, pran jua pơtrut ngă giong bruă jao amăng rơnuk phrâo, nao hrŏm hăng lŏn ia, dêh čar, gong gai amăng kual, kiăng ngă tui djơ̆ tơlơi pơtô ba mơ̆ng khua Gong phun jua pơhiăp Việt Nam pơtă pơtăn “Gum pơgôp-găn rơgao tơlơi tơnap, hmar beč bal-djă pioh gru grua hiam-pơlir hơbit mơak klă”.