Ơi ia jrao Hoàng Hải Phúc brơi thâo, mơnuih djai tal anai lĕ amon Y.J.P.H.Đ (5 thun, să Krông Năng, tơring čar Dak Lak). Amăng lơ 30/4, pô anai ƀu drơi jăn ƀu-ai, hŭi bơngač, angĭn, ƀu mơhao mơñum ƀong, ƀlĕ ŏ hăng ruă hlung. Truh lơ 2/5, arăng ba ñu nao pơ sang ia jrao prong kual Dap kơdư khăm hăng pơjrao.

Lơ 3/5, pô anai ƀuh ruă kraih, đăo lăng ƀu dưi dong tah. Sang anŏ rơkâo ba ñu glăi pơ sang tui đăo lăng kman ƀong đơr hơr, ruă djop anih, đung drah hlung pruăi, bơbrah hruh dlô, ƀă kman djơ̆ tuai hăng tơnap suă jua mrô IV. Hrơi anun mơn, drơi jăn pô čơđai anai ba glăi pơ sang. Tui pô sang, giăm 4 blan hlâo kơ ba đih pơ sang ia jrao, eo giăm 6 blan kuač ƀơi tơngai gah hơnuă.