VOV4.Jarai- Puih tơhan Trung đoàn blah ngă [ơi  tơring glông Đak Tô, tơring ]ar Kontum, hơdôm thun laih rơgao, ngă tui hơdră ngă hrom gah bruă ia jrao ling tơhan hăng mơnuih [on sang, Trung đoàn 24, sư đoàn 10, sang ia jrao tơhan hăng mơnuih [on sang să Tân Cảnh, tơring glông Đak Tô, tơring ]ar Kontum ako\ pơjing sang ia jrao ling tơhan hăng mơnuih [on sang, r^m thun pơphun bruă pơkă lăng hăng pơjrao tơlơi duăm ruă kơ ling tơhan laih anun mơnuih [on sang [ơi kual plơi pla. Bruă mă tu\ yua anai, hơmâo djru bruă pơkă lăng hăng pơjrao mơng ling tơhan rơnuk wa Hồ kual }ư\ siăng. Pô mă tơlơi pơhing phrâo Gong phun jua pơhiăp dêh ]ar Việt Nam do\ [ơi kual }ư\ siăng lăi nao kơ tơlơi anun tui anai.

            Dơng mơng mơguah, ayong A Thọ djuai ania Rơngao pơ\ plơi Đak Ri Dốp ba ană đah kơmơi `u Y Nhiên nao pơ\ sang ia jrao ling tơhan hăng m[s să Tân Cảnh, tơring glông Đak Tô pioh e\p lăng yua kơ sa tơkai ha bơnah ruă. A Thọ brơi thâo, plơi `u gah kơdih tơdrông toa yôl, ataih mơng sang ia jrao ling tơhan hăng m[s rơbêh kơ pluh rơwang km. Hlâo dih, tơlơi nao rai tơnap tap, do# ataih mơng sang ia jrao tơring glông, anun lom duam ruă, neh wa juăt pơjrao tơlơi ruă tui tơlơi găn gao m[s, sui hrơi ăt [u hlao mơn. Lu mơnuih duam ruă sui samơ\ [u thâo tơlơi ruă hơge\t ôh; đa le\ djai [u thâo yua hơge\t ôh. Mơng Sang ia jrao ling tơhan hăng m[s dưi pơdo\ng [ơi să Tân Cảnh, neh wa amăng plơi dưi bơwih brơi tơlơi suaih pral klă hloh. Ayong A Thọ lăi: “Sang ano# hmâo mơnuih duam ruă, kâo juăt găn dlai mă jrao hla rok pioh mơ`um. Dơng mơng hrơi thâo sang ai jrao anai, sang ano# hmâo tơlơi duam ruă, kâo leng kơ ba mơnuih ruă nao pơ\ sang ia jrao. Sang ano# kâo đăo gơnang kơ ơi ia jrao ling tơhan [ơi anai biă.”

            Ngă tui jơlan hơdră gum hrom kơplah wah {irô ding jum wai lăng bruă ia jrao hăng {irô ding jum wai lăng khul ling tơhan dêh ]ar ta, rơgao hăng anai 6 thun, Sang ia jrao ling tơhan hăng m[s Tân Cảnh. Y sĩ Nguyễn Thị Thanh Huyền, Khoa sang ia jrao să Tân Cảnh brơi thâo, hrim hrơi, Anom ia jrao 24 leng kơ pơkiăo nao mơng 1 truh kơ 2 ]ô ơi ia jrao gum hrom hăng mơnuih apăn bruă ia jrao plơi pla pel e\p pơjrao tơlơi ruă kơ neh wa. Hlâo dih, Sang ia jrao să Tân Cảnh kơnong kơ dưi pel e\p mă [ia\, pơjrao mă blung a, [udah pon nam rơka rơnang... samơ\ mơng hrơi dưi hmâo tơlơi gum djru mơng ơi, nai ia jrao Sang ai jrao 24, anih anom dưi pel e\p, pơjrao lu tơlơi ruă kraih kah hăng bơbrah kơso#, rơka ruă amăng lăm, pơjrao ma\ [ia\ nam rơka. Yă Nguyễn Thị Thanh Huyền lăi: Sa hrơi amra dưi pel e\p mơng 20 truh kơ 30 ]ô mơnuih ruă hăng pơjrao brơi hơdôm ]ô mơnuih ruă kraih, bơhmu kah hăng rơbuh đih, pơjrom rơdêh. M[s, ara\ng bơni le\ ơi ia jrao [ơi sang ia jrao 24 rơgơi hăng [a\t bruă biă.”

            Mrô mơnuih dưi ruah mu\t mă bruă sit nik mơng Sang ia jrao 24, Khul tơhan mrô 24 kơnong kơ hmâo 15 ]ô mơnuih, amăng anun hmâo wot ơi ia jrao, y sĩ hăng y tá. Bruă mă ba jơlan hlâo bơwih brơi tơlơi suaih pral kơ mơnuih apăn bruă tơhan, [ing ling tơhan amăng djo\p tơlơi truh; yap wot lom pơhra\m [ơi anom ăt kah hăng hyu pơhra\m, đuăi hyu pơ\ anai pơ\ adih, samơ\ [ing ơi, nai ia jrao mơng Sang ia jrao 24 ăt pơ phun klă mơn bruă pơplih mông do# gak, pơhlôm bruă pel e\p pơjrao tơlơi ruă [ơi sang ia jrao ling tơhan hăng m[s Tân Cảnh. {u djơ\ kơnong kơ hnun đu] ôh, hrim thun [ing ơi, nai ia jrao [ơi anai do# pơ phun lu tal hyu pel e\p, pha brơi ia jrao [ơi hơdôm bôh plơi pla tơnap tap, kual neh wa djuai ania [ia\ do#; hyu lăi pơthâo kơ neh wa agaih rơnăk pơgang hlôm hlâo tơlơi duam ruă, tla#o vaccine kơ đah kơmơi pikian hăng ]ơđai ane\t; pel e\p pơjrao tơlơi ruă brơi đu] kơ [ing tha rơma, mơnuih pơdơi thun tha, mơnuih hmâo djru ngă hơkru\ đưm,... Thượng úy Phạm Thanh Lịch, Kơ-iăng khoa Gru\p tơhan mrô 24, trung đoàn 24, sư đoàn 10 brơi thâo: {ing gơmơi do# gak brơkua, mơng bruă do# gak prăp lui bơblah truh kơ bruă do# gak anom ia jrao, kiăng pơhlôm bruă pel e\p tơlơi duam ruă hrim hrơi mlăm. Biă `u lom anom ia jrao rơkâo kơtưn mrô mơnuih gak kiăng pel e\p pơjrao brơi ta kơ mơnuih ruă kraih [u dah hơdôm mông tla#o ia jrao pơgang hlôm hlâo tơlơi ruă [u dah pel e\p tơlơi suaih pral hrim blan kơ m[s.”

            Thun phrâo rơgao, sang ia jrao ling tơhan hăng m[s Tân Cảnh, tơring glông Đak Tô pel e\p hăng pơjrao brơi rơbêh kơ 6000 wot ]ô mơnuih ruă [ơi anai, pơ phun tla#o ia jrao pơgang hlôm hlâo pơhư prong kơ hơdôm rơtuh ]ô ]ơđai muai ane\t; hyu lăi pơthâo hơdôm tơlơi ruă kah hăng duam pơgrun, pơtuk hngo\t, wai lăng mơnuih ruă djơ\ phung (đut). Thượng tá Nguyễn Xuân Lai, Khoa apăn bruă Ping gah Trung đoàn 24, Sư đoàn 10, Quân đoàn 3 brơi thâo: “Tơlơi pơmin mơng [ing gơmơi, djru pơtlaih ruă hăng djru m[s yơh phun `u yua anun le\ [ing gơmơi pơkiăo nao [ing go\p hmâo bruă gơgrong, muan tơngan [a\t bruă gum hrom kơ neh wa, ling tơhan mă bruă ia jrao, y tá, y sĩ [ia\ biă. Tui anun mơn ngă tui hơdră bruă, kơ]a\o bruă dưi pơdo\ng, [ing gơmơi ăt pơkiăo nao mơn khul mơnuih hrim hrơi. Hloai tui anun, sa mơta pơhlôm tơlơi suaih pral, tơlơi đăo gơnang pioh kơ ling tơhan mă bruă ia jrao, dua le\ pơdo\ng dơng gru ling tơhan Wa Hồ amăng pran jua m[s.”

Nay Jek-Siu H'Prăk : Pô ]ih hăng pôr