VOV4.K’ho- Ồng A Kút, cau Sơdàng là cau lơh broă sa jak tàm [òn H’Ring, xã Ea H’Đing, kơnhoàl Cư Mgar, càr Dăk Lăk dê. Bơh rài kis r[ah lơ ời ngan, ồng neh tơryăng tơryồng ngan lơh broă lơh sa, tềm pềr dơ\ ngui di pal tàm rài kis, tềm pềr geh priă jền nàng lơh geh dùl nơm hìu đam niam bơne\ ngan. Mờ ồng A Kút gam dong kờl tai uă ngan cau lơh broă sa dan càn priă nàng tơn jơh jơgloh tơrmù r[ah.

Hìu bơnhă ồng A Kút, hòi tơmoh là Pê Kôi ơm tàm [òn H’Ring, xã Ea H’Đing, kơnhoàl Cư Mgar, càr Dăk Lăk geh rài kis lơh sa pas sơm ngan tàm [òn H’Ring. Lơh geh rài kis hờm ram wil tơl bè ngai do, hìu bơnhă ồng A Kút kung neh pal sơrlèt gan uă ngan bơta bòl glar kal ke. Là dùl nă cau geh nùs nhơm tơryăng tơryồng ngan, hàm kờ` lùp bơsram, ồng A Kút kong bòl glar kal ke tus bal ală ơdu\ bơto pơlam.

Bơh hơ\, ồng gi\t wa\ geh bơta chài tàm broă lơh sa mờ rwah sơntìl kơphê niam lơh geh cồng nha uă, bè TR4, TR9 nàng tam. Tu\ do, hìu bơnhă ồng A Kút geh rlau 3 lồ kơphê, tam tàm bơrlu\ bal mờ tiêu mờ uă tờm chi sa plai ndai. Nam pa do, hìu bơnhă ồng lơh geh rlau 8 tấn kơphê gar. Bơdìh hơ\ tai, tờm tiêu mờ chi sa plai kung ai geh priă jền uă ngan sơl.

Ồng A Kút yal, kơnờm lơh geh priă jền bơh tờm chi tam jo\ nam gùt nam sùm hìu bơnhă ồng neh lơh geh dùl nơm hìu kờp priă rlau 400 tơlak đong, blơi prăp tơl ngan phan ngui tàm hìu mờ ală măy mok drơng tàm broă lơh sa sươn sre nàng gơ in [ươn rlau, ờ glar bòl rlau, mơkung ròng siam oh kòn lòt bơsram wil tơl rlau.

Ồng A Kút đơs bè do: Hìu a` lơh 3 lồ kơphê mờ tam tàm bơrlu\ bal mờ tờm tiêu, điều, bơ, sầu riêng. Nam lài kung tam tai tờm bơ, sầu riêng nàng tơnguh tai priă jền uă rlau tai ai hìu bơnhă in. Tơngai mờr tus den a` rcăng rề ơnàng bă ù tam tai ală tờm chi sa plai geh priă jền uă, bal mờ tam kơphê den kung kơlôi sơl mờ broă ròng kơnrồ, be, nàng lơh geh tai priă jền ai hìu bơnhă in.

Kơnờm tơryang tơryồng lơh broă lơh sa, ồng geh priă lơh hìu sơmang dờng mờ niam ngan 

Ờ go\ di mìng lơh pas ai hìu bơnhă in lơm, ồng A Kút gam dong kờl uă hìu bơnhă kal ke tàm [òn bơh broă ai càn priă nàng bơtàu tơnguh lơh sa. Ồng Pê H’Blôl ơm tàm [òn bal neh geh ồng A Kút dong kờl ai càn priă nàng bơcri sơngka sền gàr kơphê, tiêu. Ồng Pê H’Blôl pà gi\t, lài do, hìu bơnhă ồng là hìu bơnhă r[ah ngan mơya tu\ do neh geh priă jền pah nam rlau dùl rhiang tơlak đong, rài kis hìu bơnhă ngai sơlơ tơl ngui tơl sa mờ bơtàu tơnguh. Geh bè hơ\, là kung kơnờm sơl bơh bơta dong kờl bơh ồng A Kút dê, mờ cau tàm [òn mờng hòi là Pê Kôi.

Ồng Pê H’Blôl đơs bè do: Bi Pê Kôi lơh sa jak ngan, gi\t đòm jăt bơta jak chài pa tàm broă sơngka sền gàr chi tam. Hìu bơnhă bi geh bă ù lơh broă sa uă ngan. Tàm [òn lơgar bi dong kờl uă ngan cau, hìu bơnhă a` kung geh bi dong kờl sơl ai càn priă jền den tàng hơ\ sồng geh priă bơcri tàm chi tam. Làng bol tàm [òn uă hìu bơnhă càn priă bi dê, tus kàl tơnhàu phan tam den khi tơm wơl bi hơ\ in.

Ndrờm bè hơ\ sơl, ồng Pê H’Nót là cau gơ\p [òn bal, kung geh ồng A Kút dong kờl priă bơcri rề ơnàng bă ù lơh sa, sơngka sền gàr sươn kơphê, tiêu lơh geh cồng nha uă. Bơh rài kis jơgloh r[ah ngan, hìu bơnhă ồng Pê H’Nót neh lơh geh priă jền sùm, tềm pềr geh priă jền lơh geh dùl nơm hìu kờp priă rlau 200 tơlak đong.

Ồng Pê H’Nót đơs bè do: A` lài do kung ờ gi\t càn priă tềng lơi sơl nàng bơcri tàm broă lơh sa. Kơnờm bơh geh bi A Kút ala măt dan càn mờ anih priă jền tơnơ\ hơ\ pà a` in mờ làng bol tàm [òn lơgar in càn wơl. Tus kàl tơnhàu phan tam den bol a` tơm wơl bi in nàng bi lòt tơm ngân hàng in.

Bơh jơgloh r[ah hìu bơnhă ồng A Kút gơlik gơs pas sơm ngan tàm tiah do

Ồng Pê H’Nem, kuang ătbồ [òn H’Ring, xã Ea H’Đing, kơnhoàl Cư Mgar, càr Dăk Lăk đơs, ồng A Kút là dùl nă cau pơnrơ bè lơh sa jak tàm do. Bơh rài kis jơh r[ah hơ\, hìu bơnhă ồng neh brồ guh pas sơm ngan tàm [òn H’Ring. Kuơmàng, ồng A Kút geh nùs nhơm dong kờl cau ndai nàng bơtàu tơnguh bal. Ờ go\ di mìng ai tơl bơta ai càn priă bơcri lơh sa lơm gời ờ, mờ ồng gam jơh nùs ngan bơto pơlam bơta chài, bơto yal wơl bơta mờng chài sơngka sền gàr chi tam lơh geh cồng nha uă.

Ồng Pê H’Nem, Kuang ătbồ [òn H’Ring đơs là, hìu bơnhă ồng A Kút là dùl hìu bơnhă lơh krơh lài nàng làng bol lơh broă sa in đòm jăt mờ bơsram bal: Hìu bơnhă bi A Kút lơh sa jak ngan dilah pơndrờm bal tàm [òn lơgar, là hìu bơnhă niam chài. Bi A Kút pơđơl pràn ngan tàm broă lơh sa, gi\t đòm jăt bơta jak chài pa tàm broă lơh sa. Bă ù lơh broă sa bơh bi A Kút dê tu\ do là 4 lồ, priă lơh geh pah nam rlau 300 tơlak đong. Hìu bơnhă bi neh lơh geh hìu đam niam bơne\ ngan, blơi geh wil tơl phan ngui tàm hìu, blơi rơndeh rơndồ, măy mok nàng lơh broă sa sươn sre [ươn [oài rlau. Tàm broă sơngka sền gàr chi tam, den bi A Kút gi\t đòm jăt bơta jak chài pa, ơn phơng di pal, gi\t rơ wah sơntìl niam nàng tơnguh uă cồng nha. Bi kung dong kờl uă hìu bơnhă kal ke, ai oh mi tàm [òn in càn priă ờ sa priă cồng nàng bơtàu tơnguh lơh sa.

A Kút- Cau lơh broă sa kòn cau Sơdàng lơh sa jak bềng nùs nhơm kờ` gơboh cau

Gơtùi đơs, ồng A Kút ơm tàm [òn H’Ring, xã Ea H’Đing, kơnhoàl Cư Mgar, càr Dăk Lăk là dùl nă cau pơnrơ bè nùs nhơm tơryăng tơryồng, bơceh pa tàm lơh broă lơh sa. Ală cồng nha lơh geh ngai do bơh ồng A Kút dê là pal sền dờng màng ngan. Bơh jơgloh r[ah lơh ngan pơđơl pràn, ồng A Kút chờ hờp là cau Sơdàng geh broă lơh sa pas sơm ngan tàm [òn H’Ring. Ờ go\ di mìng bè hơ\ lơm, ồng là cau bềng nùs nhơm kờ` gơboh kòn bơnus, tu\ lơi kung rcăng dong kờl làng bol kal ke nàng bơtàu tơnguh bal. Ồng A Kút dipal là krơh àng nàng làng bol tàm ală [òn lơgar in đòm jăt.

Cau cih A Sa Ly- Cau mblàng Lơ Mu K’Yến