VOV4.K’ho- Ală nam do, srơh cau lơh broă sa tàm pơrlòng lơh sa kă bro jak tàm ù tiah càr Kon Tum geh lơh duh hồl ngan mờ cèng wơl ală cồng nha, pơgồp bơnah tàm bơtàu tơnguh lơh sa- mpồl bơtiàn bơh càr dê, lơh tam gơl jơh gùt ù tiah [òn lơgar. Uă cau lơh broă sa ờ go\ di mìng lơh sa jak lơm mờ gam geh uă tă pơgồp ai mpồl bơtiàn in. Khi là ală cau pơnrơ, geh bơta gơdờp niam ngan tàm tiah [òn lơgar, tiah làng bol kòn cau bơh càr dê.

Đơs tus ồng A Hình, nam do 56 sơnam, Kuang ătbồ Mpồl cau lơh broă sa xã Tê Xăng, kơnhoàl Tu Mơ Rông dê, làng bol thôn Đăk Song, do là tiah ồng gam ơm kis ndrờm sền ngềr ngan, ờ di mìng tài bơh tơryăng tơryồng, gi\t kong bòl glar kal ke tàm broă lơh sa lơm mờ ồng gam geh nùs nhơm gi\t tam pà bal, dong kờl bal uă ngan làng bol tàm do lơh ngan pơđơl pràn sơrlèt gan bơta jơgloh r[ah mờ lơh pas dipal.

Ồng A Hình yal, pơgăp tu\ tơngai bơh nam 2000 rê hờ lài do, làng bol lơh broă sa tàm xã Tê Xăng ndrờm bè mìng lơh kòi dùl kàl tàm dùl nam lơm, kòi lơh geh geh tu\ là ờ geh tơl nàng sa den tàng rài kis kal ke, bòl glar ngan. Ồng kơlôi rcăng sùm jòi gùng dà tàm broă lơh sa ai hìu bơnhă he dê in mờ jòi gùng dà bơto pơlam, dong kờl làng bol lơh broă sa bơtàu tơnguh rài kis hìu bơnhă, lơh ngan pơđơl pràn sơrlèt mờ bơta jơgloh r[ah.

Nam 2004 lài do, ồng A Hình tă is 15 tơlak đong lòt tus càr Gia Lai blơi 100 căp jrong bùm blàng rê tam tơnơ\ hơ\ lơh bơtờp uă sơntìl nàng tam pà bal làng bol in. Bơh ală kàl tam, tờm bùm blàng ai kơnuh uă ngan, dong geh bàr pe hìu bơnhă làng bol geh tai dùl êt priă jền nàng ngui sa tàm rài kis.

Nam 2008, bơh sền ti vi mờ iăt rơdio, ồng A Hình gi\t làng bol tàm kơnhoàl Nam Trà My, càr Quảng Nam gam tam uă ngan kơnuh sơnơm Ngọc Linh mờ klàs geh r[ah. Ồng lòt gùng ngài jòng tus gi\t nđờ jơ\t kơi sồ tus tàm kơnhoàl gơ\p bơyô dê nàng lùp bè broă tam mờ sơngka sền gàr kơnuh sơnơm kuơ ngan do. Tơnơ\ dùl poh lùp bơsram tàm do, ồng ngui 100 tơlak đong blơi 100 gar sơntìl mờ 50 tờm kơnuh sơnơm Ngọc ling bơh 1 tus 2 sơnam cèng rê tus Tê Xăng nàng tam.

Uă nam tơnơ\, kơnờm tơryăng tơryồng sơngka sền gàr, sươn kơnuh sơnơm Ngọc Linh tam tàm ù tiah jơnhoa rlau 1.900 thơk bơh ồng A Hình dê kis dờng niam ngan. Ồng gam kong bòl glar hàu kơh hàu bơnơm, lòt tàm đơr tàm brê nàng jòi ală tờm kơnuh sơnơm Ngọc Linh hòn is tàm brê cèng rê tam tàm sươn hìu he dê nàng bơtờp sơntìl. Geh gar sơntìl bơh plai kơnuh sơnơm tơnhàu geh, ồng cèng ờng gơtùi tờm sơntìl. Tus tu\ do, sươn kơnuh sơnơm Ngọc Linh bơh ồng dê geh tus gi\t nđờ rbô tờm mờ bă ù ơnàng 5 sàu.

Ờ go\ di mìng ơm wơl tàm broă tam kơnuh sơnơm Ngọc Linh lơm, ồng A Hình gam tam tai 5 lồ bời lời, 5 lồ bùm blàng, 2 lồ kơphê, 3 sàu kơnuh sơnơm jriang, mờ bơtòng kim tuyến, ròng 20 nơm sur, 10 nơm kơnrồ mờ 5 nơm rơpu…Mờ broă lơh sa bơh he dê, kờp jơh priă lơh geh pah nam tơnơ\ tu\ kờp jơh priă tă bơh ồng dê lơh geh rlau 500 tơlak đong.

Ồng A Hìng pà gi\t, bơh tu\ tam kơnuh sơnơm Ngọc Linh bal mờ tờm chi lơh sơnơm ndai geh cồng nha, ồng ndrờm tam pà bal bơta gi\t wa\, gar sơntìl mờ chi sơntìl bal mờ priă tăc ờ kas ngan nàng làng bol rề ơnàng tam uă. Bal mờ hơ\, bal mờ broă lơh sa bơh he dê, ồng gam lơh geh broă lơh ai uă ngan cau lơh broă tàm [òn lơgar in, ngan là tàm ală kàl tơnhàu. Tus tu\ do, geh uă ngan hìu bơnhă làng bol tàm xã Tê Xăng rơhời klàs bơh r[ah mờ geh rài kis tơl ngui tơl sa.

Kung ndrờm bè ồng A Hình sơl, ồng A Hiếu, nam do 49 sơnam ơm tàm thôn Kon Gung, xã Đăk Mar, kơnhoàl Đăk Hà là dùl tàm ală cau lơh broă sa pơnrơ tàm Đăk Hà gi\t ngui bơta [ươn ù tiah mờ trồ tiah bơh [òn lơgar dê nàng bơtàu tơnguh broă lơh sa gơ in dipal. Bơh tu\ gam pơnu, ồng A Hiếu neh tơryăng tơryồng ngan lơh broă mờ kơ\p kờ` sùm klàs bơh r[ah. Uă nam lòt jòi, lùp bơsram, kong bòl glar kal ke rồ ù rồ tiah, ồng A Hiếu sơnđờm lơh kòi, tam bùm blàng. Lơh ndang tềm pềr ndang, tơnơ\ do ồng tam tai tờm bời lời, tờm kơphê mờ kau su.

Tus tu\ do, kờp jơh bă ù tam phan bơh ồng A Hiếu dê lơh geh mờr 11 lồ. Priă lơh geh tơnơ\ tu\ kờp jơh priă lơh geh rlau 1 tơmàn 200 tơlak đong pah nam. Mờ broă lơh tam phan bơh he dê, ồng A Hiếu dong kờl 18 nă cau lơh broă geh broă lơh sùm, 350 nă cau lơh broă geh broă lơh tàm nhai kàl tơnhàu phan tam.

Ờ go\ di mìng lơh sa jak lơm, ồng A Hiếu gam sùm rcăng tam pà bal bơta gi\t wa\ tàm broă lơh sa sươn sre, dong kờl phan sa, chi sơntìl, sơntìl phan ròng mờ pà càn priă ờ sa priă cồng bal mờ kờp jơh priă rlau 200 tơlak đong ai ală hìu bơnhă r[ah in bơtàu tơnguh lơh sa. Ồng jơh nùs ngan mblàng yal làng bol in sền gàr bơta lơngăp lơngai, ba` iăt ba` dòn jăt cau iơh sơmờm kòn cau, sơmờm jăt yàng nàng lơh aniai Đảng, Dà lơgar, lơh tam cah is mpồl tam klăc dờng jơh gùt jơi bơtiàn; ồng gam ngui rơndeh lơ òr hìu bơnhă dê pơndiang phan bơ\t bơtàu, tus bal uă ngai lơh broă nàng lơh gùng bê tông ai thôn in…

Càr Kon Tum gam uă cau lơh broă sa pơnrơ ndai bè ồng Nguyễn Khắc Phương, nam do 54 sơnam ơm tàm thôn 8, thị trấn Đăk Rvê, kơnhoàl Kon Braih, càr Kon Tum, là cau lơh geh sră jờng rơ “Cau lơh broă sa Việt Nam jak ngan nam 2018”. Mờ broă lơh kơphê, kau su, tiêu tàm kờp jơh bă ù ơnàng 11 lồ, pah nam, ồng Phương lơh geh mờr 1 tơmàn 700 tơlak đong tơnơ\ mờ tu\ tơm jơh priă tă lơh. Halà bi A Thi, nam do 36 sơnam ơm tàm thôn Kon Tu Dốp 2, xã Pô Kô, kơnhoàl Đăk Tô, là cau lơh geh sră jờng rơ “Cau lơh broă sa Việt Nam jak ngan nam 2019”. Mờ broă lơh tam bùm blàng, kơphê, kau su, ròng ka dà ờs kờp jơh bă ù ơnàng 24 lồ, bi A Thi geh priă jền pah nam mờr 2 tơmàn. Bi gam dong kờl 20 nă cau geh broă lơh sùm mờ gi\t nđờ rhiang nă cau geh broă lơh tàm nhai kàl tơnhàu phan tam…

Tơnơ\ tu\ lơh geh sră jờng rơ Cau lơh broă sa jak ngan Việt Nam dê, ală cau lơh broă sa bè ồng A Hình, A Hiếu, Nguyễn Khắc Phương halà A Thi kung gam pơn jăt tai lơh ngan pơđơl pràn, lùp bơsram, đòm jăt ală broă lơh lơh sa pa mờ tă pơgồp sùm ai ală broă lơh bơtàu tơnguh lơh sa tàm tiah do in. Khi dipal ngan là ală krơh àng ai ală cau lơh broă sa ndai in lùp bơsram mờ đòm jăt.

Jăt Báo Kon Tum- Cau mblàng Lơ Mu K’Yến