VOV4.K’ho- Bơh dùl kơnhoàl ù tiah lơh sa kal ke, bơngơl gơla ngan, [òn Ol Bù Tung, xã Quảng Tín, kơnhoàl Dăk R’Lấp, càr Dăk Nông neh geh ală tam gơl mpờl go\ loh làng ngan kơnờm bơh broă lơh bơ\t bơtàu [òn lơgar pa. Gùng lòt geh lơh dờng mờ ring niam ngan, ală hìu đam niam bơne\ lơh jăt bè hìu rài pa ngai sơlơ uă, bal mờ jơnau kàl lơh sa duh hồl, ai bơta bơtàu tơnguh pràn kơldang bơh [òn dê in. Hoàng Qui lòt tus [òn Ol Bù Tung mờ geh jơnau cih bè ală anih àng tàm bơ\t bơtàu [òn lơgar pa tàm do.

Ală ngai bồ nam pa, làng bol ờ ru tu\ ngan mờ dùl kàl lơh sa pa bal mờ broă lòt mìr kơphê nàng jì nhơ\t, tuh dà…Jơh tơl nă cau ndrờm `o\ nhơl chờ hờp lơm. Bi Điểu Sang, dùl nă cau lơh broă sa ơm tàm [òn Ol Bù Tung pà gi\t, klàs bơh r[ah tu\ do neh ờ gam tai là broă kal ke ờ, tài bơh jơh ală broă ai broă lơh in, bơh sơntìl, priă bơcri, tus bơta chài, ndrờm [ươn lơm.

Bè hìu bơnhă Điểu Sang dê, tơnơ\ tu\ lik bơh sră cih măt hìu bơnhă r[ah nam 2016, tus tu\ do neh geh phan sa phan prăp pềr, geh lơh priă jền lơh geh dùl nơm hìu pa niam bơne\ ngan. Lơh sa sơlơ bơtàu tơnguh, broă tă pơgồp bơ\t bơtàu [òn lơgar pa kung gơ gơs [ươn ngan sơl. Pa do, rcăng ai dơ\ sa tềp bơhìan Canh Tý in, làng bol neh sơrbac sơrbang tă pơgồp geh 60 tơlak đong, crăp ală [ong đèng pờ àng tàm [òn lơgar. Tu\ do, geh bal tàm trồ mang den [òn Ol Bù Tung kung àng sơndah sơl.

Bi Điểu Sang yal: Tu\ geh đèng pờ àng mờ priă tờm bơh làng bol dê tă pơgồp is den bơta lơngăp lơngai niam ngan, ù tiah [òn lơgar duh hồl chờ hờp chờ hờ` ngan, trồ mang den geh [ong đèng pờ àng, hìu lơi kung geh lơm. Ơm kis mờ rài kis làng bol dê gơguh jak rlau.

Bi Y Đoan, Kuang ătbồ [òn Ol Bù Tung yal wơl, pơgăp 7 nam rê hờ lài, làng bol tàm [òn geh rài kis kal ke ngan, lơh sa mìng kơnờm jơh lơm tàm broă lòt lơh broă apah jăt nhai kàl, mờ tam điều den tàng priă lơh geh den tu\ geh tu\ ờ. Ală nam rềp ndo, ală broă dong kờl bơcri priă bơh Đảng mờ Dà lơgar dê ngai sơlơ ngui geh cồng nha, rài kis broă lơh sa bơh làng bol dê ngai sơlơ geh tơnguh tai. Làng bol geh càn priă ờ sa priă cồng uă bơh Ngân hàng Chính sách Xã hội dê, geh bơto pơlam bơta chài sơngka sền gàr chi tam, bơta chài ròng phan…Khà hìu r[ah tàm [òn neh gơmù loh làng ngan, tu\ do mìng gam wơl 18 hìu lơm là hìu r[ah mờ mờr ndrờm bè hìu r[ah.

Bi Y Đoan, Kuang ătbồ [òn Ol Bù Tung, đơs: Tu\ do, làng bol gi\t đòm jăt bơta jak chài pa, gi\t bơcri priă blơi măy mok bè koh ntê, ơn phơng, tuh dà, tu\ do 1 lồ làng bol kung lơh geh 3 tấn kơphê gar sơl. Pah nam, den Mpồl kòn cau càr dê geh sơl bơta dong kờl tus pơlam làng bol in broă chài sơngka sền gàr kau su, kơphê, điều, mờ ròng phan. Priă càn den dà lơgar neh ai làng bol he in gơ dê rao, den tàng làng bol blơi măy mok, blơi ding dà nàng làng bol bơtàu tơnguh rài kis, lơh sa ngai sơlơ kơ\ kơl jăp rlau.

Jăt UBND xã Quảng Tín yal, ờ go\ di mìng is [òn Ol Bù Tung lơm, mờ jơh bal 4 [òn cau kòn cau ơm kis bơh yau dùl bă tiah bơh xã dê ndrờm neh geh rài kis hờm ram. Ală nam do, bơh ală broă lơh geh kuơ ngan bơh dong kờl priă lơh sa, ìa tê sơ`io broă tàm lơh sa sươn sre pơgồp bal sơlơ tơnguh tai broă lơh yal tơngi\t jơnau tus tàm [òn lơgar neh dong làng bol in tam gơl bơta kơlôi, broă lơh, ờ gam tai bồ tơngoh kơ\p kơldìng wơl tàm bơta dong kờl bơh dà lơgar dê.

Ồng Phạm Văn Hải, Phó Chủ tịch UBND xã Quảng Tín, pà gi\t: Tu\ do, tàm tiah làng bol kòn cau, sền bal là làng bol gi\t wa\ geh bơta bơtàu tơnguh lơh sa bơh he dê, khi gi\t wa\ geh broă là khi pal klàs is r[ah. Tàm tu\ hơ\, hìu bơnhă khi dê tơnơ\ mờ tu\ dờp geh jơh ală priă jền dong kờl gơrềng tus Đảng, Dà lơgar, kuơmàng là priă càn ngân hàng chính sách xã hội dê den khi geh tơrgùm tàm broă bơcri lơh sa mờ khi sền gàr chi tam, phan ròng nàng gơlik cồng, bơtàu tơnguh là geh klàs bơh r[ah, ờ go\ kơp kơldìng wơl tàm bơta dong kờl bơh Đảng mờ Dà lơgar dê tai.

{òn Ol Bù Tung tu\ do neh cèng dùl rùp să pa. Làng bol Ol Bù Tung neh geh nùs nhơm rcăng lài bơh ală cau kờ` lơh pas dê. Cồng nha lơh geh bơh [òn Ol Bù Tung dê tơngo\ ai bơta tam klăc, gi\t lơh ngan pơđơl pràn, sơrlèt gan kal ke jo\ jòng sùm. Bal mờ ală broă dong kờl bơh Đảng mờ Dà lơgar dê, làng bol tàm [òn pơn jăt tai tơrgùm bal pràn, dùl nùs bal bơ\t bơtàu [òn lơgar tờm ngai sơlơ pas sơm niam bơne\.

Cau cih Hoàng Qui- Cau mblàng Lơ Mu K’Yến