VOV4.K’ho- Ea Súp là kơnhoàl tiah nhàr lơgar bơh càr Dăk Lăk dê, là kơnhoàl mìng lơh broă sa sươn sre lơm, mơya ù tiah tam phan ro kơnra`, trồ tiah ờ niam ngan, bơta do lơh gơlik kal ke uă ngan tàm broă bơtàu tơnguh lơh sa, kơ\ kơl jăp rài kis làng bol dê. Ală nam do, srơh bơ\t bơtàu [òn lơgar pa neh pơgồp bơnah lơh tam gơl dùl bơnah lơi muh mat tiah [òn lơgar tàm Ea Súp. Mơya nàng geh dùl xã geh tơl 19 broă xã [òn lơgar pa bơh kơnhoàl dê là bơta kal ke ngan gơtùi lơh geh tàm tơngai ờ jo\.

Nhai 8 pa do, kơnhoàl Ea Súp pal kong tai mờ dơ\ dà ko\ dà tih dờng ngan. Kòi tơngời, biăp bùm, khuah rbài, ală bơta chi tam gơtìp ngơr bam jrô jơh tàm dà. Hìu đam gơtìp gơbam dà, iar ada, kơnrồ rơpu gơtìp dà cò pơrdô jơh. Dơ\ dà ko\ dà tih neh lơh hoàc hươr bè lơh sa mờr 350 tơmàn. Rài kis làng bol dê neh kal ke tu\ do sơlơ kal ke rlau tai, uă hìu bơnhă pa klàs bơh r[ah tu\ do gơlik wơl mpàng tê soh.

Bol a` tus xã Ea Lê, dùl tàm 2 xã pơnrơ bè bơ\t bơtàu [òn lơgar pa bơh kơnhoàl Ea Súp dê. Ea Lê mìng ơm ngài mờ tiah tờm kơnhoàl dê ờ hềt tus 10 kơi sồ gùng mơya rơndô ô tô pal lòt jơh rlau nggùl jiơ tàm gơl gùng càr neh ờ gam niam tai, rơlu\ rơlùn ngan. Ea Lê là tiah lơh kòi dờng ngan bơh kơnhoàl Ea Súp dê, làng bol gơlik kòi phe, mơya ya cèng kòi phe lòt tăc tàm drà gam bòl glar kal ke ngan.

Ồng Nguyễn Văn Hoa, Bí thư Đảng ủy Chủ tịch UBND xã Ea Lê pà gi\t: Lơh jat broă sồ 17 tàm Broă lơh jơnau kờ` dà lơgar dê bè bơ\t bơtàu [òn lơgar pa, bơh bơnah priă hòi jà làng bol tă pơgồp, bal mờ kờp jơh bal priă bơh tơngai dơ\ dùl mờ dơ\ 2 dê là 344 tơlak, nam do xã neh lơh ală broă bơ\t bơtàu tàm [làng tơ\p [ồc làng bol xã. Ea Lê geh 2.647 hìu bơnhă, tàm hơ\ geh 1.124 hìu bơnhă là cau kòn cau. Khà hìu bơnhă r[ah, mờr ndrờm bè hìu r[ah bơh Ea Lê dê mờr 50%.

Hơ\ là jơnau tơrgùm kờp bơh 6 nhai bồ nam 2019 do dê. Dơ\ dà ko\ dà tih gơbàn tàm nhai 8 pa do neh lơh tơn roh te\ làng bol dê gi\t nđờ rhiang lồ kòi, tơngời, bùm, biăp, khuah rbài ală bơta, hoàc hươr bơh dà ko\ dà tih lơh aniai kờp du\ là rlau 5 tơmàn. Den tàng bè hơ\, khà hìu r[ah, hìu mờr ndrờm bè hìu r[ah bơh xã dê gơguh wơl tai. Jăt ồng Nguyễn Văn Hoa yal, pal 6 nam tai, tus nam 2025, den xã Ea Lê hơ\ sồng gơtùi lơh jơh geh ală broă bơ\t bơtàu [òn lơgar pa.

Ồng đơs: Đảng bộ lơh Kơrnoat tơngume bè bơt\ bơtàu [òn lơgar pa, jòi gơlik gùng dà broă lơh bơsong tàm tơngai tus mờ đơng lam ai mpồl atbồ, mpồl bơtàu tơnguh bơh thôn dê lơh. Làng bol dùl nùs ngan, kờ` ngan, pà ù, pà chi, pà phan bơna nàng bơ\t bơtàu [òn lơgar pa. Tu\ do, xã lơh geh 12 tàm 19 broă bè bơ\t bơtàu [òn lơgar pa.

                                               Gùng mu\t tàm xã Ea Lê

Kơnờm bơh bơta lơh bal bơh jơh ală anih lơh broă chính trị dê tàm broă mblàng yal, hòi jà làng bol den tàng làng bol tàm xã Ea Lê dùl nùs bal uă ngan tàm srơh bơ\t bơtàu [òn lơgar pa. Làng bol rcăng pà ù, tă pơgồp ngai lơh broă nàng lơh gùng, lơh [làng tơ\p [ồc…

Mơya, lơh sa bơh làng bol dê gam kal ke ir den tàng broă hòi jà làng bol tă pơgồp bè phan bơna, priă jền là bơta kal ke ngan lơh. Xã ờ hềt geh hìu niam chài, 19 thôn bơh xã dê ờ hềt thôn lơi geh hìu pơrjum [òn. Ồng Hoàng Ngọc Khánh, ơm tàm thôn 3, xã Ea Lê đơs bè do: Làng bol tàm xã, tàm thôn dùl nùs bal ngan mờ srơh bơ\t bơtàu [òn lơgar pa. Do là gùng dà broă lơh dờng bơh Đảng, Dà lơgar dê, gơ jat bal ngan ngồn mờ rài kis pah ngai bơh tơl nă làng bol dê.

Ồng đơs bè do:Jơh tơl nă làng bol tàm do ndrờm gi\t geh bơ\t bơtàu [òn lơgar pa là broă bal, ờ go\ di mìng bơh Đảng, Dà lơgar dê lơm gời mờ hơ\ là kơnòl bơh làng bol dê. Geh rài kis [òn lơgar pa den rài kis làng bol hơ\ sồng bơtàu tơnguh. Pơnyơu bè hìu bơnhă a`, tu\ lơh jat [òn lơgar pa den geh mpồl bơtàu tơnguh thôn dê lam lơh jăt jơnau sồr bơh mpồl bơtàu tơnguh xã dê.

Den hìu bơnhă a` lơh jăt ală broă, đơs pơnyơu bè: tus bal mờ làng bol [òn lơgar tă pơgồp ngai lơh broă nàng lơh ală gơl gùng lòt làm [òn, bè ală gơl gùng lòt tus sươn sre. Bè thôn bol a` geh dà lơgar bơcri priă lơh 1 nơm gùng, den hìu bơnhă a` bal mờ làng bol nàng lơh. Tus tu\ do, neh geh gùng lòt niam ngan tus tàm [òn làng bol ơm kis.

                                                        Ngơr bam jrô tàm dà

Ồng Nguyễn Đình Toản, Phó Chủ tịch UBND kơnhoàl Ea Súp, pà gi\t: Ea Súp geh 9 xã, den rơ\p mìng pa geh 3 xã geh 12 tus 14 broă bơ\t bơtàu [òn lơgar pa. Geh 5 broă ờ hềt geh xã lơi lơh geh, tàm hơ\ ală broă bè gùng lòt, bè priă lơh geh, tơrmù khà hìu r[ah là ală broă kal ke gơtùi lơh tàm ală nam tus.

Ồng Nguyễn Đình Toản đơs: Broă bè tơrmù r[ah kung gam sơl là broă kal ke ngan rlau jơh. Tài bơh rài kis làng bol dê neh kal ke den geh tai dùl bơnah làng bol bơh tiah ndai tus ơm kis khat gơboh. Hơ\ sồng trồ tiah lơh aniai, trồ prang dờng, dà ko\ dà tih gơbàn sùm den tàng priă lơh geh bơh hìu bơnhă làng bol lơh broă sa dê ờ lơh geh nđờ.

Rài kis làng bol dê tìp bềng bơta kal ke, gơ lơh gơrềng uă ngan tus broă hòi jà tă pơgồp pràn làng bol nàng bơ\t bơtàu [òn lơgar pa. Gùng dà broă lơh nàng bơsong broă do, den dùl đah bol a` sơlơ hòi jà tai làng bol tơrgùm bal lơh sa, tam gơl rơndăp tăp sèng chi tam nàng gơ in dipal mờ [òn lơgar bè ù tiah, trồ tiah. Bơta ndai bol a` hòi jà ală mpồl lơh sa kă bro bơcri priă dong kờl cau lơh broă sa. Sơlơ bơcri tai priă jền bơh ală bơnah priă bơh dà lơgar dê, hòi jà Dà lơgar mờ càr dong kờl tàm broă kơ\ kơl jăp rài kis ai làng bol in.

Ea Súp lài do neh geh tu\ rề ơnàng bă ù tam rlau 10 rbô lồ điều mờ gi\t nđờ rbô lồ kau su mơya ndrờm ờ geh cồng nha tài bơh ù tiah mờ trồ tiah tàm do ờ niam ngan. Jơh ală làng bol ming gi\t bơtàu tơnguh lơh sa bơh broă lơh kòi sre, tam bùm blàng mờ tam tàu lơm.

Mơya do rơ\p mìng là ală bơta chi tam nàng klàs r[ah lơm, tài bơh priă lơh geh dùl êt lơm, pah nam ờ hềt tus 40 tơlak tàm dùl lồ. Hơ\ là ờ hềt đơs tus chi tam gơtìp tu kòp lơh aniai, kòi, bùm blàng rcăng tơnhàu den gơtìp gơbam jrô wơl tàm dà ko\ dà tih.

Lơh bè lơi nàng làng bol kơ\ kơl jăp rài kis, klàs bơh r[ah dùl bă kơ\ kơl jăp nàng bơ\t bơtàu dùl ù tiah [òn lơgar tàm tiah nhàr lơgar bơh Dà lơgar dê pràn bè lơh sa, kơ\ kơl jăp bè sền gàr dà lơgar, lơngăp lơngai gam là jơnau lùp ờ hềt geh cau lơi hơ sơl!

Cau mblàng Lơ Mu K’Yến