VOV4.K’ho - Tơnơ\ mờ mờr 10 nam lơh jăt broă lơh jăt khà dà lơgar bơ\t bơtàu [òn lơgar pa, xã Dà Knàng, kơnhoàl Dam Rông, càr Lâm Đồng neh geh uă bơta niam, rài kis làng bol tàm xã neh gơguh. Nam pa do, xã Dà Knàng sơlơ chờ tài neh lơh gơs ală khà broă mờ rơcang gơs xã [òn lơgar pa.

Tus xã Dà Knàng tàm ală ngai mờr satềp nam 2020, sền ală cau, ală hìu gam pơs wàs gùng lòt, bơka wơl hìu kờ` wă rò satềp tàm nùs nhơm chờ tu\ xã rơcang gơs [òn lơgar pa. ală suơn kơphe neh dum, ală suơn tòm jơu ròng tu, suơn prìt gam hòn gơs niam… pà go\ làng bol kis tàm do geh tam uă bơta phan tam.

                                              Broă lơh sa suơn sre tàm hìu jàl tàm xã Dà Knàng

Bi Kon Sơ Hiên, kis tàm [òn Dà Knàng, xã Dà Knàng yal: bơh ngai tam gơl tam kơphe, tam tòm jơu ròng tu, làng bol geh tai priă pah nhai, mờ kung prăp đao tài kơnờm bơh dơ\ tơnhào jơh tàm lồi nam, den tàng ală hìu nhă sơlơ tơl ngui tơl sa ngan, muh măt [òn lơgar sơlơ tam gơl:

-Làng bol tàm [òn đơs bal mờ hìu nhă a` đơs is, lài do mìng lơh kòi den tàng ờ geh uă cồng nha. Tơnơ\ mờ tu\ tam gơl tam kơphe, tam tòm jơu den hơ\ sồng hìu nhă a` neh geh tơl ngui tơl sa, pah nam tơnơ\ mờ tu\ neh kờp jơh priă tă tàm hìu nhă den kung prăp geh 200 tơlăk priă. Oh kòn lòt bơsram tus gùng tus dà. Hìu nhă blơi tơl ală bơta phan ngui, rài kis hìu nhă sơlơ tơnguh bơtàu.

Lam bol a` lòt gan ală gơl gùng dă mờ bêtông ơnàng, bàr gah gùng là ală hìu geh lơh dờng niam, ồng Kon Sơ Ha Bê, kis tàm [òn Dà Knàng yal: broă bơ\t bơtàu [òn lơgar pa neh cèng wơl làng bol in tàm do uă ngan tam gơl:

-Ưn ngài Đảng mờ Dà lơgar neh sền gròi bơcri priă lơh ồs đèng, lơh gùng lòt, lơh hìu sơnơm làng bol in. Bơh tu\ hơ\ dong kờl [òn lơgar ngai sơlơ tam gơl pa. Oh kòn geh lòt bơsram tơl. Làng bol neh g^t tam gơl phan tam, den tàng rài kis ngai sơlơ gơguh, bơta jơgloh rơ[ah neh ờ geh tai. Kơ\p kờ` Đảng mờ Dà lơgar pơn jăt tai sền gròi tus mờ làng bol, bol a`.

10 nam bơ\t bơtàu [òn lơgar pa tàm xã Dà Knàng là 10 nam làng bol kis tàm do lơh ngan tam gơl phan tam, phan ròng, tơnguh uă cồng nha broă lơh sa, là 10 nam pơgồp bal bơta pràn tàm broă lơh ală gùng, là [òn đah đang, [òn đah đơm tơnguh broă tam klăc bal, sền gàr kơl jăp chính trị, niam ờ do ờ dă mpồl bơtiàn.

                                     Hìu bơsram cấp 1 geh lơh niam tàm xã [òn lơgar pa

Ồng Nguyễn Doãn Đại, Bí thư chi bộ [òn Dà Mul, xã Dà Knàng pà g^t, tơnơ\ mờ uă broă lơh ngan, tàm 19 khà broă geh ai bơh broă bơ\t bơtàu [òn lơgar pa tàm [òn neh lơh gơs, rài kis tơl nă cau tàm nam 2019 geh rơlao 39 tơlăk priă. Làng bol neh geh bơsal mờ dùl rài kis neh tam gơl pa tơl ală bơta:

-Rài kis làng bol tơnơ\ mờ 10 nam bơ\t bơtàu [òn lơgar pa, tơnguh bơtàu broă lơh sa pas gơs ngan. Ală hìu nhă neh blơi tơl ală phan ngui tàm hìu nhă, geh ngui sa dà sàng kloh niam, gùng lòt tàm [òn geh bơcri priă lơh ngai sơlơ niam. Ồs đèng làng bol ngui geh rơlao 98%. Tàm [òn geh 6 jơi bơtiàn kòn cau oh mi ơm kis bal, mơya làng bol sùm tam klăc bal, gàr niam bơta lơngăp lơngai, ờ do ờ dă.

Dùl nam pa gam tus, tàm muh măt ală làng bol xã Dà Knàng gam chờ hờp mờ geh uă bơta kơ\p kờ` bè dùl nam pa mìu niam, nhàr niam, kàl lơh sa geh tơnhào uă. Tu\ ală broă lơh prìt tăc mờ lơgar bơdìh, tam biăp, tam tòm jơu ròng tu… gam tơnguh bơtàu di gơlan geh pơn jăt tai cèng wơl rài kis hờm ram ai làng bol ală kòn cau tàm xã tiah sar lơgar ngài Dà Knàng do in.

Cau mblàng Ndong Brawl