Jơnau yal tàm dơ̆ lam sồr pà gŏ 3 nam do, đah mặt trận dà lơgar ală kấp càr Dăk Lăk neh lam sồr tă geh mờr 60 tơmàn đong, dong kờl ai cau rơƀah in di jăt mờ kơrnoăt geh ai mờ lơh geh 925 nơm hìu tam klăc dờng. Mờ tơngu me “Tơlăk nùs nhơm kờñ gơboh, rơbô nơm hìu tam klăc dờng” dơ̆ lam sồr dờp bal Nhai lơh broă Tài cau rơƀah nam 2023 tàm càr Dăk Lăk là broă lơh kwơ màng, tơlik nùs nhơm dong kờl bal, pơn jờng bơta niam tàm broă lơh broă bal Tài cau rơƀah.

Tàm dơ̆ lam sồr, mpồl bơyai lơh neh pơyoa sră mờ hòi jà ală mpồl lơh broă, cau dùl nă să, mpồl lơh sa kă bro, cau geh nùs nhơm niam tus bal dong kờl nàng bơtàu tơnguh geh ke spriă, ai geh bơta niam nàng pơn jăt tai dong kờl cau rơƀah. Ala măt Ủy ƀan Mặt trận Dà lơgar ală kấp tàm càr kung neh cih măt hơ tă khà priă mờ geh lam sồr nàng tă geh khà priă do. Tơn jơh dơ̆ lam sồr, mpồl bơyai lơh neh dờp geh 13 tơmàn 600 tơlăk đong bơh ală mpồl lơh broă, mpồl dong kờl mờ hơ geh dong kờl kes priă Tài cau lơh ƀah càr dê.