Cau geh tus bal pơrlòng là kwang bàng, kông cứk, viên cứk, kwang đơng lam ală sở, gah lơh broă tàm càr bal mờ UɃÑZ ală kơnhoàl, thị xã, ƀòn dờng, UɃÑZ ală xã, sơnah ƀòn, thị trấn mờ làng bol lơgar Việt Nam tơl bơh 18 sơnam rơlao hờ đang, tŭ do gam kis, lơh broă, bơsram sră tàm càr Dăk Lăk.

Tơngu me pơrlòng geh: gùng dà, broă lơh bơh Đảng, Dà lơgar mờ càr Dăk Lăk gơrềng tus broă lơh jăt broă lơh niam wơl sră nggal Dà lơgar tơngai bơh nam 2021 tus 2025, wèt tus nam 2030. Ồng Bạch Văn Mạnh, Kwang atbồ Sở Nội vụ càr Dăk Lăk pà git, do là nam dơ̆ 2 càr Dăk Lăk bơyai lơh dơ̆ pơrlòng tàm internet jòi nàng git bè broă lơh niam wơl sră nggal kấp càr. Bơh dơ̆ pơrlòng do, mpồl kwang bàng, kông cứk neh là mpồl lam lài tàm broă jòi nàng git, kơlôi sơnơng nền nòn, git nền tơngu me, gùng dà broă lơh geh ai bè broă lơh niam wơl sră nggal ngui tàm broă lơh pah ngai geh cồng nha rơlao.