Lơh jăt broă lơh jăt jơnau kờñ dà lơgar Tơmù rơƀah kơl jăp tơngai bơh nam 2021 tus 2025, càr Gia Lai geh dong kờl nàng lơh pa mờ lơh niam wơl hìu ai rơlao 2 rơbô hìu rơƀah, ndrờm mờ rơƀah in; geh 98% hìu rơƀah geh ngui dà sàng; jơh ală kơnòm dềt tàm kơnhoàl rơƀah geh lòt bơsram, geh sră ƀảo hiểm y tế...

Càr geh tơrgùm tàm 7 rơndăp broă lơh bơnah broă là: Dong kờl bơcri priă bơtàu tơnguh phan bơna lơh sa mpồl bơtiàn tàm kơnhoàl rơƀah; lơh geh uă bơta rài kis lơh broă sa, bơtàu tơnguh broă tơmù rơƀah; dong kờl bơtàu tơnguh lơh sa, tơnguh phan sa bơkah; bơtàu tơnguh broă bơto broă lơh, lơh broă kơl jăp; dong kờl hìu ơm ai hìu rơƀah, hìu ndrờm mờ rơƀah tàm ală kơnhoàl rơƀah; yal mblàng mờ tơmù rơƀah bè jơnau tơngit; tơnguh uă bơta pràn, jăt sền Broă lơh mờ ală broă dong kờl ai hìu rơƀah, hìu ndrờm mờ rơƀah in.