Jăt ală tơngume geh yal tàm dơ̆ Cribơyai, bal mờ broă bơtàu tơnguh lơh sa, rài kis tơl ală bơta bơh cau ùr 19 càr tiah tàm gùl lơgar mờ Tây Nguyên dê geh tam gơl loh làng. Tềl tơngŏ loh làng bè gơnoar bơh cau ùr dê tàm tiah do là khà cau ùr at ală gơnoar broă tàm kấp ủy, gơnoar atbồ, cau ùr kwang bàng Quôk hội mờ Hội đồng Ñân zân neh uă rlau mờ lài do. Broă sac rơwah ală cau tơlik mat tĕ khà cau ùr tus bal lơh kwang bàng Quốk hội mờ Hội đồng Ñân zân ală kấp tŭ do sùm gơguh bè khà mờ bơta chài, kơnòm să uă.

Mò Nguyễn Thị Minh Hương, Phó Củ tịc Mpồl tam klăc cau ùr Việt Nam jơh nùs cih dờp ală tơngume bơyai, cribơyai, jơnau đơs bơh ală kwang bàng ala mat mờ kơ̆p gơn do rơ̆p là dùl tàm ală broă lơh nàng ală tiah in ai tơlik ală gùng dà broă lơh nàng tơnguh uă gơnoar broă, bơngă pin dờn bơh cau ùr dê; ai tơlik geh gùng dà broă lơh geh ngan nàng lơh jat bơyai lơh jat ală broă lơh bè cau ùr dùl bă geh cồng nha.