Tơnơ̆ 25 nam crơng gơs mờ lơh broă, Kes priă dong kờl bơsram Vừ A Dính neh jàu priă dong kờl bơsram pà uă kơnòm bơsram jơi bơtiàn dùl êt nă cau geh pơn rơ gơguh jak gùt lơgar; uă oh neh geh tus bal ală rơndap broă bơto bơtê geh tơngume tờm bơh Kes priă bơyai lơh, bơh hơ̆ pơgồp bơnah kuơmàng ngan tơnguh bơta niam mpồl cau lơh broă geh bơta niam uă ai dà lơgar in. Mpồl tài Hoàng Sa mờ Trường Sa kờñ gơboh neh lam lơh uă broă lơh ngan ngồn, tàm tơrbŏ nùs nhơm, plai nùs bơh làng bol gùt lơgar dê, tă pơgồp dà kơl hề, tă pơgồp bơta pràn… nàng tus bal bơt bơtàu, sền gàr Hoàng Sa mờ Trường Sa bơh dà lơgar dê.

Củ tịc lơgar ồng Võ Văn Thưởng ai tơnggŏ bơta chờ hờp tềng đap ală cồng nha ngan ngồn mờ geh kuơ bơh kes priă dong kờl bơsram Vừ A Dính mờ Mpồl tài Hoàng Sa, Trường Sa kờñ gơboh dê tàm uă nam do. Củ tịc lơgar ồng Võ Văn Thưởng đơs nền pal pơn jat tai gàr sùm broă lơh bơh Kes priă dong kờl bơsram Vừ A Dính dê, tàm pơ dờn bơhiàn kuơmàng mờ Kes priă neh lơh gơs; ngai sơlơ dong kờl ngan ngồn ai ală kơnòm bơsram jơi bơtiàn dùl êt nă cau in.