Nam 2023, Kông ty Ồs đèng càr Dăk Lăk geh jàu mờr 288 tơmàn đong kờp jơh broă rơndăp lơh priă bơcri bơ̆t bơtàu tờm. Kông ty neh ai priă ai ală rơndăp broă lơh gùng che đèng 110kV in rlau 14 tơmàn đong, gùng che đèng trung thế hạ thế rlau 223 tơmàn đong, mờ rơndăp broă lơh ndai pơgăp 50 tơmàn đong.

Tus tŭ do, kông ty neh tơm jơh priă rơndăp broă lơh lơh sir 14 broă bơ̆t bơtàu, kờp jơh priă rlau 52 tơmàn 200 tơlak đong, tềm pềr geh rlau 19 tơmàn đong pơndrờm mờ kờp dŭ lài bơh sơnrờp. Nàng lơh geh jơnau kờñ ai priă rlau 95% broă rơndăp lơh priă bơh nam dê, tŭ do ală anih gam jal mhar lam lơh uă broă lơh lơh mhar tŭ tơngai lơh broă, blơi ai tơl phan bơna măy mok neh lơh sră dan crăp ơn.

Tàm hơ̆, Mpồl ătbồ rơndăp broă lơh lơh cau tờm bơh sơnrờp pơgồp bal đah ală cau dờp bơto pơlam, cau dờl lơh crăp, mpồl ătbồ ngui. Ală anih lơh broă ndai rơcăng lài lơh sră cih mat dan tơngai tơn chơ̆t đèng drơng lơh broă in, tă pơgồp jơnau đơs dan bơsong tă bơsong di tŭ ală bơta gơkòl, bơta kal ke nàng lơh sir ală broă bơ̆t bơtàu jăt di tơngai mờ pal lơh niam. Broă tơrgùm lơh sir ală broă bơ̆t bơtàu bơcri priă dà lơgar rơ̆p pơgồp bơnah lơh niam wơl, tơnguh uă bơta niam ai đèng ai năc ngui in tàm ală tiah tàm càr Dăk Lăk dê.