Ngan là, tàm 9 nhai nam 2023, broă dờp, bơsong sră nggal gơwèt bơnah broă atbồ bơh càr Dăk Lăk dê neh geh lơh jat niam, tơrmù khà lơh lơyài mờ tơngai pơr gon lơh. Bè broă bơtàu tơnguh mờ lơh uă Gơnoar atbồ điện tử, gơnoar atbồ sồ, ală anih lơh broă yal tơngĭt jơnau ngui bal geh lơh gơs tơl. Anih iGate neh bơsong 694 rơbô 611 sră nggal jat broă lơh Dùl mpồng điện tử ală bơta, khà bơsong di mờ tơngai pơr gon là 98,23%.

Tàm pơrjum sền wơl broă lơh lơh tam gơl pa sră nggal 9 nhai nam 2023 geh bơyai lơh drim ngai 18/10, ồng Nguyễn Tuấn Hà, Phó Củ tịc Lơh broă sùm Ủy ƀan Ñân zân càr Dăk Lăk sồr, ală tiah đơs di mờ bơta geh ngan mờ jòi geh jơnau gơbàn bơh tài bè lơi bàr pe broă jàu, broă jàu bơnah geh bơta digơlan ờ lơh geh halà roh điềm, bơh hơ̆ nàng ai geh broă lơh bơsong nàng nam 2023 càr rơ̆p gơtùi geh tơnguh khà săp sèng bè ală sơñio khà  mờ ală sơñio khà tam gơl pa sră nggal.