Bơh bồ nam tus tŭ do, Tỉñ đoàn càr Gia Lai neh jàu pà rlau 50 broă lơh sa ai ală oh dềt là cau jơi bơtiàn dùl êt nă cau, tàm hơ̆ geh: 37 mpồl iar, 13 yô sur sơntìl, 2 nơm kơnrồ sơntìl mờ kờp jơh khà priă 125 tơlak đông. Bi Đỗ Duy Nam, Phó Ƀí thư Tỉñ đoàn càr Gia Lai pà git, ală broă lơh sa là bơta tam pà bal bơh mpồl bơtiàn mờ mpồl lơh broă Đoàn, Đội dê, mờ bơta kơp kờñ dong ală oh dềt sơrlèt gan kal ke, bơsram jak. Dong kờl dùl bơnah dong ală oh geh tai bơta ƀuơn nàng bơsram sră, bơdìh hơ̆ tai gam pơlam tàp, dong ală oh git kờñ lơh broă, git ki ngàm lơh broă. Dong kờl ală oh di jơnau kờñ mờ tơl nă cau, ală mpồl, ngan là Đội Thiếu niên Tiền phong Hồ Chí Minh dong kờl ală oh in nàng lơh ngan tàm broă bơsram sră.