Nam do geh 200 nă cau pơgru mờ kwang bàng atbồ bơto bơtê gơguh jak geh jờng rơ. Dơ̆ jờng rơ cau pơgru, kwang bàng atbồ gơguh jak nam 2023 là dùl tàm ală broă lơh gơwèt ală broă lơh tơngkah kir sơnrai 41 nam Ngai cau Pơgru Việt Nam (20/11) bơh Ƀộ Giáo dụk mờ Đào tạo pơgồp bal mờ ală mpồl lơh broă dê bơyai lơh. Do là ală cau pơgru tàm ală tiah ngài ngan bơh Dà lơgar dê, neh lơh geh uă cồng nha tàm broă bơto bơtê, geh broă lơh bơceh lơh tàm lam lơh gùng dà broă lơh mờ broă lơh bơh gah Bơto bơtê dê tàm sùm tơngai pa do.

Đơs tàm dơ̆ jờng rơ, Ƀộ trưởng Ƀộ Giáo dụk mờ Đào tạo Nguyễn Kim Sơn kơ̆p kờñ, ală cau pơgru pơn jat tai bơsong bơta kal ke nàng lơh sir kơnòl broă mờ lơh gơrề uă ală cồng nha neh lơh geh kung bè ală bơta mờng chài bơto bơtê tus mờ uă ngan cau pơgru tàm gah lơh broă dê, nàng lơh sir bal niam ngan kơnòl broă bơto bơtê.