Càr Kiên Giang geh 120 rbô nă cau geh màng mờ dà lơgar neh geh dờp mờ lam lơh broă dong kờl. Tàm hơ̆ geh 1 rbô 782 nă mè geh pà, jàu pà wơl khà jờng Mè Việt Nam khin cha jak chài. Tàm dơ̆ wă, Phó Thủ tướng ồng Trần Lưu Quang pơyua jơnau lùp lap đềt mềr tus ala mat cau geh màng mờ dà lơgar càr Kiên Giang mờ pơyua jơnau lùp còp đềt mềr, ai tơnggŏ bơta kah ưn ngài uă ngan gơ wèt mờ bơta phi să, bơta tă pơgồp bơh cau geh màng mờ dà lơgar dê, gơ wèt mờ bơhiàn hùc dà kah tô dà. Jờng rơ càr Kiên giang neh sền gròi tus cau geh màng mờ dà lơgar mờ kung cih dờp ală jơnau đơs, jơnau dan bơh cau geh màng mờ dà lơgar dê bè broă tơnguh khà dong kờl cau geh màng mờ dà lơgar in, mơya Phó Thủ tướng ồng Trần Lưu Quang tơngkah càr Kiên Giang gơtùi geh ală broă lơh is nàng pơgồp bơnah at tê bal mờ dà lơgar nàng gròi sền ai cau geh màng mờ dà lơgar in.