VOV4.K’ho- Tềng đăp bơta gơbàn kal ke bơh kòp Covid-19 dê, tàm Nhai Ơruh pơnu nam do, ală mpồl đơng lam Đoàn, Mpồl ơruh pơnu tàm ù tiah càr Dăk Lăk dê neh geh bơta tam gơl ală tơngume, gùng dà broă lơh bal mờ uă broă lơh geh kuơ. Bơh hơ\, geh kuơ ngan pơgồp bơta pràn kơnòm să bal mờ mpồl bơtiàn tàm sơm băt tê bal rcăng sơndră kòp.

Bơh bồ nhai 3 pa do tơn, Đoàn xã Cuôr Dăng, kơnhoàl Cư Mgar, càr Dăk Lăk neh crơng gơs Mpồl ơruh pơnu lam lài tàm hơ\ geh 15 nă đoàn viên, ơruh pơnu. Mpồl do pơgồp bal mờ ală mpồl ndai tàm thôn, [òn lòt tus tơl hìu làng bol kòn cau Rơđê nàng mbàng yal rcăng sơndră kòp. Hòi jà, bơto pơlam làng bol sùm ràu goh tê mờ sơ [ong, ràu goh is să jan, ba` tơrgùm gal cau mờ pal pơn chèu glòm muh măt tu\ lik lòt hờ bơdìh. Bi H’Mươn Êban, Bí thư Đoàn xã Cuôr Dăng, kơnhoàl Cư Mgar pà gi\t, broă lơh bơh Mpồl ơruh pơnu lam lài neh dờp geh bơta lơh jăt jơh nùs bơh làng bol dê.

Bi H’Mươn Êban, Bí thư Đoàn xã Cuôr Dăng, kơnhoàl Cư Mgar, đơs: Tơnơ\ mờ tu\ crơng gơs den mpồl ơruh pơnu lam lài neh lòt mblàng yal tus tơl hìu bơnhă tàm thôn, [òn nàng jơh tơl nă cau in gi\t loh làng rlau bè broă chài rcăng sơndră kòp, ờ lời lơh bơtờp tàm mpồl bơtiàn. Bol a` neh lòt mblàng yal 4 dơ\, pơgồp bal mờ ală chi đoàn [òn, bí thư chi đoàn [òn mờ ală kuang ătbồ [òn, phó kuang ătbồ [òn mờ geh bơta dong kờl jơh nùs ngan bơh khi dê nàng tus bal mblàng yal tàm thôn, [òn dê.

Dùl êt rùp rài bè Nhai ơruh pơnu tàm Dăk Lăk tàm ală ngai ờ hềt lơh jăt jơnau sồr ơm yah tam cah is mpồl bơtiàn

Tàm kơnhoàl Krông Ana, đoàn ơruh pơnu pơgồp bal mờ Mpồl Chữ thập đỏ neh bơyai lơh Ngai chờ pà mhàm dong kờl is tàm lồi nhai 3, lài mờ tu\ geh Chỉ thị sồ 15 bơh Thủ tướng Chính phủ dê. Bal mờ jơnau đơs “Rcăng sơndră kòp Covid-19, ba` hu\i lòt pà mhàm”, ngai chờ neh dờp geh 254 kơldung mhàm pơgồp bơnah dong kờl mờ sơm kòp kơn jơ\ ai cau kòp in. Bi Nguyễn Duy Hoàng, Bí thư Huyện Đoàn Krông Ana pà gi\t, lơh pràn pà mhàm dong kờl is, ơruh pơnu tàm kơnhoàl lơh jăt niam ală jơnau sồr rcăng sơndră kòp.

Bi Nguyễn Duy Hoàng, đơs: Tàm dơ\ rcăng sơndră kòp Covid-19, rơnàng kơnòm să ală jơi bơtiàn kòn cau kơnhoàl ai jơh pràn mblàng yal kung bè bơyai lơh pà mhàm dong kờl cau, dong kờl ai làng bol bal mờ gùt lơgar in lơh jăt rcăng sơndră kòp. Mpồl đơng lam kung bè Huyện Đoàn, Mpồl Chữ thập đỏ kơnhoàl lơh jăt mblàng yal tơnguh uă broă rcăng sơndră kòp. Bơh đah bơdìh kềng gah hìu tơn, huyện đoàn neh rơndăp anih ràu tê mờ pơlam ràu tê jăt ală broă. Làng bol tus tàm do den geh đo was bơta duh să jan mờ lơh jăt di bơta rơndăp tăp sèng nàng gàr să jan pràn kơldang niam ngan rlau jơh ai cau tus bal pà mhàm dong kờl cau.

Tềng đăp ală bơta gơbàn kal ke bơh kòp Covid-19 dê, ală mpồl đoàn kơnă hơđơm, mpồl ơruh pơnu càr Dăk Lăk neh tam gơl ală tơngume, gùng dà broă lơh lam lơh jăt Nhai Ơruh pơnu dipal mờ bơta geh ngan tàm tiah he dê. Jơh gùt càr neh gàr sùm broă lơh 222 mpồl ơruh pơnu lơh broă dong kờl is sơndră wơl mờ kòp Covid-19. Ală mpồl do lơh jăt broă phàt sră pang mblàng yal broă chài rcăng sơndră kòp; bơto tơngkah làng bol pơn chèu di pal, gàr sàng goh tiah ơm kis. Do kung là mpồl cau dong kờl anih lơh sơnơm kơnă hơđơm [ồm sơnơm lơh kloh khuẩn, lơh kloh [ơ\ kòn tu bih khih tàm ală hìu bơsram, tiah mpồl bơtiàn, dong làng bol yal bơta pràn kơldang să jan mờ cau lơh sơnơm in tàm internet. Bal mờ hơ\, ală kấp bộ đoàn gam lơh uă broă, bơnah broă ơruh pơnu geh kuơ ngan.

Bi Nguyễn Thị Thủy Tiên, Bí thư Chi đoàn gah kă bro, Đoàn kơnă hơđơm VNPT Dăk Lăk pà gi\t: Bè đah chi đoàn bơh VNPT dê den tàm sơm băt tê bal nàng kơryan kòp Covid-19 tàm anih lơh broă tơn mờ dong kờl tàm ală mpồl bơtiàn, [òn lơgar. Chi đoàn bơh bol oh dê den neh geh broă rơndăp lơh mờ rwah [òn Mduk bơh sơnah [òn Ea Tam dê nàng lòt phàt bal dà ràu tê mơkung geh bal broă pà chèu glòm muh măt mờ mblàng yal ai jơh tơl nă cau in là broă chài rcăng sơndră kòp, broă chài ràu tê nàng lơh bè lơi nàng rcăng sơndră kòp geh cồng nha ngan rlau jơh.

Jăt Tỉnh đoàn Dăk Lăk yal, tàm nhai 3 pa do, sơndră wơl mờ bơta kal ke bơh kòp Covid-19 dê, bal mờ broă mblàng yal, ală kấp bộ đoàn neh lòt tus tơl hìu làng bol, phàt gi\t nđờ jơ\t sră pang mblàng yal; rlau 60 rbô nơm chèu glòm muh mat pà gời ờ sa priă; 1 rbô 500 li\t dà ràu tê, 4 rbô khàr dà ràu goh khuẩn ai rlau 7 rbô nă làng bol in. Jơh gùt càr neh lơh 667 broă, bơnah broă ơruh pơnu mờ kờp jơh priă mờr 6 tơmàn đong. Pơnrơ bè: lơh 17 anih nhơl `o\ ai kơnòm dềt in; jàu rlau 100 bơnah priă dong kờl bơsram ai kơnòm bơsram, cau bơsram dờng r[ah sơrlèt gan kal ke in; pà 128 bơnah phan ai ală hìu bơnhă chính sách, Mè Việt Nam khin cha jak chài; jàu pà 6 bơnah priă sơnđờm mu\t lơh broă dong ơruh pơnu bơtàu tơnguh lơh sa…Mơkung bơyai lơh pà mhàm dong kờl is dờp geh mờr 1 rbô 300 kơldung mhàm.

Bi H’Giang Niê, Bí thư Tỉnh Đoàn Dăk Lăk, pà gi\t: Bơh 1 nhai lam lơh den sền bal ală broă jàu ndrờm lơh geh jăt di bè broă rơndăp lơh. Tàm broă lơh nhai ơruh pơnu den ală kấp bộ đoàn lơh pràn ngan ală broă lơh bơceh pa tàm broă mblàng yal bè rcăng sơndră kòp Covid-19. Mờ ală kấp bộ đoàn den uă ngan kơnhoàl neh geh bơta pơgồp bal mờ ală hìu bơsram đại học, pơnrơ bè hìu bơsram Đại học Buôn Ma Thuột, pơgồp bal lơh gơlik dà ràu tê nàng pà làng bol kis tàm tiah sar lơgar ngài in.

Nhai Ơruh pơnu nam 2020, rơnàng kơnòm să càr Dăk Lăk ờ ai cau lòt lơh broă ur ar, ờ tơrgùm gal cau bè ală nam lài. Mơya, ală broă lơh dong kờl is geh lam lơh loh làng tơl ù tiah [òn lơgar neh lơh gơlik bơta lơh gơ rề uă ngan, lơh jăt niam nùs nhơm lam lài, lơh broă dong kờl is, tă pơgồp bơta pràn kơnòm să tàm sơm băt tê bal kơryan kòp Covid-19.

Cau cih H’Xíu- Cau mblàng Lơ Mu K’Yến