VOV4.K’ho –Tơngai rềp ndo, mpồl Kuang àng càr Dak Nông neh sùm sền go\ mờ ku\p kơryan jơh uă mpồl tung kơ`au phan gơ jat bơta mờng chài ngan. Pal sền ngac ngan là, uă ngan ală dơ\ tung kơ`au do là bơh ală ơruh pơnu mờ kơnòm klau pa dờng dê lơh, mờ broă lơh krơi is ngan mờ geh lam lơh gơ jat bơta mờng chài ngan.

Pa do, Kuang àng kơnhoàl Dak Mil, càr Dak Nông ku\p geh dùl mpồl cau geh broă lơh tung kơ`au phan. Tàm mpồl cau do geh klau Trương Xuân An, mat mờng hòi là Tèo, deh nam 1995, ơm kis tàm xã Đức Minh, kơnhoàl Dak Mil, càr Dak Nông là cau lài do neh geh tu\ geh 3 dơ\ lơh tìs bè tung kơ`au phan. Lài mờ tu\ gơtìp ku\p, klau Trương Xuân An neh bal mờ ală cau blơ\ ndai tung kơ`au gơtùi 13 dơ\ tung kơ`au phan. Trương Xuân An khài.

Dơ\ tung kơ`au dơ\ sơnrờp oh tung kơ`au bal mờ Trần Lê Phương mờ Nguyễn Đức Vy tàm thôn Đức Hoà, xã Đức Minh là kơ`au dùl nơm tivi Samsung; dơ\ tung kơ`au dơ\ 2 là lòt kơ`au bal mờ cau sơnđan mat là Tâm là cau mờng tung kơ`au bơsơ\t kau su tàm Thuận An; dơ\ tung kơ`au dơ\ 3 là dùl nơm tivi tàm xã Dak N’Drot.

2 nă cau tung kơ`au rơndeh măy gơtìp Kuang àng Dak Nông ku\p

Thiếu tá Bùi Xuân Hùng- Cau atbồ Mpồl lùp khàu, gơ wèt Kuang àng kơnhoàl Dak Mil, pà gi\t: Tu\ lơh dùl dơ\ lơh tìs, bol khi sùm lơh bal bơh 2 tus 3 nă cau. Phan bơna mờ khi kờ` kơ`au là jơh ală phan bơna geh priă jền uă geh bal phan dờng kơ` jơ\ bè dơm chi, măy lơh mpàn, ti vi…cèng rê tus anih tơrgùm tơnơ\ hơ\ sồng jòi cau tăc.

Mpồl tung kơ`au phan bơh Trương Xuân An dê geh bơh 7 tus 8 nă. Tu\ lòt tung kơ`au phan, ndrờm bè ală khi ờ go\\ lòt bal dùl dơ\, ờ go\ lơh bal dùl dơ\. Pơnyơu bè dơ\ lòt tung kơ`au do geh bơh 2 tus 3 nă, dơ\ lòt tung kơ`au ne den Trương Xuân An lòt wơl mờ mpồl ală cau blơ\ ndai den tàng gơrềng tus mpồl cau do den geh uă ngan dơ\ broă.

Phan sền go\ bơh uă dơ\ tung kơ`au rơndeh măy

Ndrờm bè hơ\ sơl, Kuang àng kơnhoàl Dak Song, càr Dak Nông pa ku\p kơryan geh dùl mpồl cau tung kơ`au phan mờng chài ngan, ku\p geh ală cau blơ\ là Vũ Văn Tính, Nguyễn Đức Thái, Nguyễn Tấn Lộc, Huỳnh Ngọc Long, Huỳnh Ngọc Hiệp (jơh ală khi ndrờm ơm kis tàm kơnhoàl Dak Song) mờ klau Phạm Văn Thành, ơm tàm càr Bình Phước.

Sơmờm bơta ờ rơcang ngac bơh làng bol dê, bơh nhai 2 tus gùl nhai 7 pa do, mpồl cau blơ\ do neh tung kơ`au rlau 27 dơ\ tung kơ`au rơndeh măy (tàm hơ\ tàm ù tiah kơnhoàl Dak Song là 13 dơ\, thị xã Gia Nghĩa là 9 dơ\, kơnhoàl Dak Glong 4 dơ\ mờ Dak R’lấp 1 dơ\).

Bi Vũ Thị Nguyệt ơm tàm thị trấn  Đức An, kơnhoàl Dak Song pà gi\t, tài bơh ờ go\ rơcang ngac rơndeh ơn tềng [làng nđăp hìu mơya ờ go\ khoă ngko rơndeh, den tàng hìu bơnhă neh roh te\ 3 nơm.

Do là rơndeh măy dơ\ 3 bơh hìu bơnhă dê gơtìp roh te\, kung mìng đơs gời mờ làng bol gùt dar lơm là pal kơrhia rơcang ngac, tài bơh tu\ do bol tung kơ`au phan uă ngan, lòi jòi sùm dilah sền go\ he ờ go\ kơrhia là khi tung kơ`au tơn. Mìng tàm 3 phuk lơm rơndeh neh gơtìp kơ`au roh tơn.

Kuang àng Dak Nông jàu wơl rơndeh măy gơtìp roh ai làng bol in

Jat Thiếu tá Mai Xuân Huân, cau atbồ Mpồl Kảnh sát lùp khàu cau lơh tìs mờ lơh tìs glài ku\p màng, lơh sa mờ tiah ơm kis Kuang àng kơnhoàl Dak Song dê yal, tơnơ\ ală tu\ tam dră neh hòi 6 nă cau geh gơrềng tus. Ală cau do khài là neh tung kơ`au 27 dơ\.

Lài hơ\, Kuang àng kơnhoàl Dak Glong kung neh ku\p geh klau Lương Vĩnh Thắng, ơm tàm xã Phú Vinh, kơnhoàl Định Quán, càr Đồng Nai mờ Trần Như Quỳnh ơm tàm xã Quảng Khê, kơnhoàl Dak G’long lùp khàu, lơh loh làng bè broă tung kơ`au phan.

Do là 2 nă cau lài do neh lơh tìs bè tìs tung kơ`au phan mờ neh bal mờ gơ\p lòt tung kơ`au êt ngan kung là bơh 8 dơ\ tung kơ`au phan tàm ù tiah xã Dak Som mờ Quảng Khê, kơnhoàl Dak G’long.

Thiếu tá Trần Văn Nghị, Cau atbồ Mpồl kảnh sát lùp khàu cau lơh tìs bè lơh tìs glài ku\p màng, lơh sa mờ ma túy, Kuang àng kơnhoàl Dak G’long tơngkah, broă tung kơ`au bơh bol blơ\ do dê geh bơta tam gơl.

Broă lơh bơh ală mpồl cau blơ\ do dê geh bơta pa là lòt tung kơ`au tàm [ùi drim, tu\ làng bol lòt lơh broă tàm sươn mìr, lơh broă tàm jiơ hành chính, broă atbồ sền gàr phan bơna ờ huan geh rơcang ngăc. Ală cau blơ\ do jòi jơh ală broă lơh, ngui sơbeng klơ\ mpồng, klơ\ mpàn mu\t kơ`au tàm hìu nàng jòi, swì ală phan bơna geh priă jền dờng nàng tung kơ`au.

Jat jơnau đơs bơh Kuang àng càr Dak Nông dê, bơh bồ nam tus tu\ do, cau lơh tìs tung kơ`au phan tàm ù tiah càr dê neh gơmù rlau 3% mơya geh tus 41,8% kờp jơh khà dơ\ lơh tìs glài ku\p màng.

Ală cau blơ\ sùm lòt tung kơ`au phan mờng chài ngan, geh mpồl cau blơ\ lơh bal mờ mpồl cau blơ\ ndai nàng jun phan tung kơ`au mờ geh cèng lòt tăc tus đah ne tiah nhàr lơgar.

Den tàng bè hơ\, nàng tam dră geh cồng nha mờ mpồl cau lơh tìs do, tơngai tus, ngan là tàm dơ\ lồi nam, mpồl Kuang àng ală kấp tàm càr Dak Nông neh mờ gam pơn jat tai lam lơh dùl ròt ală broă lơh, tàm hơ\ sền dờng màng lơh pràn broă lơh rơcang sơndră lài tàm gah broă lơh ờs mờng, rơcang sơndră lài tàm mpồl bơtiàn, tơrgùm mpồl cau tam dră lơh loh làng, krà` cê jơh nùs bơsong mờ ală cau lơh tìs do.

Cau mblàng Lơ Mu K’Yến