VOV4.K’ho- Nam 2014, Gia Lâm là dùl tàm 2 xã sơnrờp ngan bơh kơnhoàl Lâm Hà, càr Lâm Đồng dê jơh lơh ală broă bơ\t bơtàu [òn lơgar pa. Lơh jăt ală cồng nha neh lơh geh, ală nam do, làng bol xã Gia Lâm pơn jăt tai ngui niam bơta pràn tàm dơlam is, tàm sơm băt tê bal, tă pơgồp bal pràn nàng bơ\t bơtàu xã {òn lơgar pa tơnguh jơnhoa. Lơh geh cồng nha hơ\ ờ gơtùi ờ kờp tus gơnoar broă bơh ală cau lơh broă hòi jà làng bol dê neh mblàng yal, hòi jà làng bol geh cồng nha.

Muh măt [òn lơgar pa bơh xã Gia Lâm dê ngai do neh tam gơl pa loh làng ngan. Phan bơna tàm xã geh bơ\t bơtàu sền bal lơh di jơnau kờ` ngui tàm rài kis làng bol tàm do dê. Kơnòm dềt geh bơsram sră tềng ală hìu bơsram niam bơne\ ngan. Ală gùng lòt tàm thôn, tàm [òn geh lơh mờ bê tông sàng goh, ring niam mờ [ươn ngan ai làng bol in lòt rê mờ pơndiang ntrờn phan bơna kă bro. Làng bol neh khin cha tam gơl rơndăp tăp sèng chi tam, tơnguh uă priă lơh geh tàm dùl bă ù. Tiah ơm kis [òn lơgar geh gàr niam…

Ờ go\ di mìng gơ ơm wơl tàm ală bơta lơi neh lơh geh, tu\ do, gơnoar ătbồ, mặt trận mờ ală mpồl cau bơh xã Gia Lâm dê gam pơn jăt tai lơh pràn broă lơh mblàng yal, hòi jà làng bol pơn jăt tai tơrgùm bal pràn lơh ală broă bơ\t bơtàu [òn lơgar pa tơnguh jơnhoa tàm xã. Bơh bồ nam 2019, xã geh broă rơndăp lơh bơ\t bơtàu xã geh tơl khà [òn lơgar pa tơnguh jơnhoa bal mờ jơnau kờ` geh tơl khà tàm lồi nam. Đảng ủy mờ gơnoar ătbồ xã sền broă kuơmàng khà dùl là mblàng yal, hòi jà làng bol gi\t wa\ loh làng bè bơta kuơ mờ kơnòl bơh làng bol dê mờ jơh ală anih lơh broă chính trị dê tàm broă bơ\t bơtàu [òn lơgar pa tơnguh jơnhhoa.

Ồng Đào Văn Hinh, Phó Bí thư Đảng ủy, Chủ tịch UBND xã Gia Lâm, pà gi\t: Tàm tu\ lam lơh jăt broă lơh bơ\t bơtàu [òn lơgar pa đơs bal mờ tàm bơ\t bơtàu [òn lơgar pa tơnguh jơnhoa đơs is, bol a` sùm sền broă mblàng yal, hòi jà pal gơ lòt lài dùl cơnđoà. Tu\ do, ală cau lơh broă lam sồr làng bol tàm xã kung gam pơn jăt tai mblàng yal, hòi jà làng bol bơh uă broă lơh dipal nàng làng bol in ngai sơlơ tă pơgồp ngai lơh broă, tă pơgồp priă jền, phan bơna, pà ù, pà tờm chi, bơ\t bơtàu, lơh niam wơl, ală broă bơ\t bơtàu phan bơna tàm do; tàm sơm băt tê bal sền gàr tiah ơm kis; bơcri priă bơtàu tơnguh lơh sa bơtàu tơnguh rài kis. Mờ bơta du\t ndơl, kuơmàng ngan hơ\ là hòi jà làng bol tam klăc, gàr kơ\ mờ bơtàu tơnguh rlau tai ală broă bơ\t bơtàu [òn lơgar pa nàng ai muh măt [òn lơgar pa bơh xã dê “ờ go\ yau te\” mờ ngai sơlơ bơtàu tơnguh.

 Kơnờm lơh niam broă lơh mblàng yal, hòi jà làng bol, Gia Lâm là xã lơh jăt niam jơnau đơs “Dà lơgar mờ Làng bol lơh bal”, hòi tơrgùm geh bơta tus bal jơh nùs bơh làng bol tàm do dê tàm tu\ lơh jăt ală broă bơ\t bơtàu [òn lơgar pa tơnguh jơnhoa. Jăt tơrgùm kờp bơh xã dê, nam 2019, xã Gia Lâm neh lam lơh mờ ai ngui 6 broă lơh gùng lòt [òn lơgar kờp jơh ală gơl gùng do jòng rlau 2.400 thơk mờ priă tă lơh là rlau 2 tơmàn 400 tơlak.

Tu\ do, xã Gia Lâm gam pơn jăt tai lơh 5 gơl gùng bê tông, jòng 1.800 thơk mờ priă tă lơh là rlau 1 tơmàn 600 tơlak. Tàm hơ\, làng bol tă pơgồp 50%. Pơnrơ bè hìu bơnhă bi Nguyễn Thị Yên dê ơm tàm thôn Quang Trung 4, neh tă pơgồp rlau 300 tơlak đong priă măt, pà gi\t nđờ rbô thơk vuông ù nàng lơh 7 broă lơh gùng lòt tàm jơh gùt xã.

Bi Nguyễn Thị Yên, yal bè do: Lài do, kơno đơs tus broă lơh bơ\t bơtàu [òn lơgar pa, hìu bơnhă a` kung ờ hềt gi\t loh làng ngan sơl. Tu\ geh mblàng yal, mblàng đơs loh bơh kuang bàng tiah do dê den bol a` gi\t loh jơnau kờ`, bơta kuơ bơh broă lơh dê mờ jơh nùs ngan lơh jăt. Kuơmàng, bal mờ ală cồng nha neh lơh geh tàm bơ\t bơtàu [òn lơgar pa tàm do, làng bol bol a` chờ hờp chờ hờ` ngan, pin dờn mờ tu\ lơi kung jơh nùs lơm pơn jăt tai tă pơgồp nàng bơ\t bơtàu, bơtàu tơnguh [òn lơgar.

Dùl bơta àng ndai tàm bơ\t bơtàu [òn lơgar pa tơnguh jơnhoa tàm Gia Lâm là gơl gùng àng, tơlir, sàng goh bơh làng bol thôn 2 dê tă pơgồp mờ lơh. Mpồl lam sồr làng bol xã Gia Lâm neh pơgồp bal mờ Chi bộ, Mpồl lơh broă mặt trận thôn 2 mblàng yal, hòi jà làng bol lơh gơl gùng lam lài bơh xã dê mờ bơta jòng rlau 600 thơk. Tàm gơl gùng do, làng bol neh tă is priă crăp ală [ong đèng pờ àng, tam bơkàu, chi lơh rùp kềng 2 gah gùng.

Bơh dùl xã geh rài kis lơh sa- mpồl bơtìan ờ bơtàu tơnguh ngan mờ ờ dùl êt kal ke tu\ mu\t tàm broă lam lơh jăt bơ\t bơtàu [òn lơgar pa mơya Gia Lâm là dùl tàm 2 xã lơh jơh ală broă bơ\t bơtàu [òn lơgar pa bơh sơnrờp bơh kơnhoàl Lâm Hà dê mờ tu\ do kung là dùl tàm ală xã lam lài tàm bơ\t bơtàu [òn lơgar pa tơnguh jơnhoa tàm kơnhoàl. Tu\ do, khà hìu bơnhă làng bol Gia Lâm geh ngui đèng sùm mờ niam ờdo ờdă geh 100%.

Tus tu\ do, tàm xã neh geh 3 hìu bơsram tàm kờp jơh geh 3 hìu bơsram geh dờp geh tơl khà dà lơgar bè phan bơna. Priă lơh geh kờp bal dùl nă cau bơh xã Gia Lâm dê tu\ do kờp du\ geh pơgăp 49 tơlak dùl nă tàm dùl nam. Tus lồi nam 2019, Gia Lâm sền bal neh lơh geh tơl khà ală broă bơ\t bơtàu [òn lơgar pa tơnguh jơnhoa. Ồng Đào Văn Hinh, Phó Bí thư Đảng ủy, Chủ tịch UBND xã Gia Lâm pà gi\t: Tơngai tus, bol a` pơn jăt tai lơh pràn broă lơh mblàng yal, hòi jà nàng làng bol tàm xã in ngai sơlơ tàm sơm băt tê bal, tă pơgồp bal pràn bơ\t bơtàu [òn lơgar ngai sơlơ bơtàu tơnguh.

Cau mblàng Lơ Mu K’Yến