VOV4.K’ho-Huyện ủy Ia Grai, càr Gia Lai pa bơyai lơh Pơrjum tơn jơh 50 nam lơh jat Jơnau nting bơr lời wơl bơh Chủ tịch Hồ Chí Minh dê mờ sền wơl 3 nam lơh jat Chỉ thị sồ 05 bơh Bộ Chính trị dê bè lơh pràn bơsram mờ lơh jat nùs nhơm, bồ tơngoh, rài kis mờ broă lơh jak Hồ Chí Minh dê. Tàm broă lơh do, pơnrơ là broă bơ\t bơtàu [òn lơgar pa, sền gròi bơtàu tơnguh rài kis bơh làng bol ală kòn cau tàm Ia Grai dê.

Sền gròi kơlôi rcăng rài kis làng bol in

Ồng Dương Mah Tiệp, Bí thư Huyện ủy, Chủ tịch UBND kơnhoàl Ia Grai, càr Gia Lai pà gi\t: Đảng bộ kơnhoàl neh tơrgùm đơng lam lơh jat kơnòl broă bơtàu tơnguh lơh sa- mpồl bơtiàn jat nùs nhơm Kơrnoat Pơrjum dờng dơ\ 12 bơh Đảng dê, bơh hơ\ neh lơh geh ală cồng nha ngan ngồn tàm jơh ală gah broă lơh. Lơh broă sa sươn sre tam gơl jat gùng dà lơh gơlik phan kă bro, khà gơguh lơh sa kờp bal rlau 10% dùl nam, priă lơh geh kờp bal dùl nă cau tàm nam 2018 geh mờr 30 tơlak.

Kơnhoàl neh tơrgùm ală gùng dà broă lơh đơng lam mờ pơgồp bal ală bơnah priă ai broă lơh tơrmù r[ah in. Tus tu\ do, khà hìu r[ah gơmù gam 7,24%. Pa do, bơh priă tă rlau 1 tơmàn 600 tơlak broă lơh tơrmù r[ah kơ\ kơl jăp jo\ jòng, kơnhoàl dong kờl ai 42 hìu bơnhă làng bol in bơtàu tơnguh lơh sa, lơh ngan pơđơl pràn sơrlèt gan klàs bơh r[ah.

Là kơnhoàl tiah nhàr lơgar geh khà làng bol kòn cau geh mờr nggùl khà, UBND kơnhoàl Ia Grai neh sồr ală ban, gah sơnah lơh broă tàm kơnhoàl sền gròi pơgồp bal uă bơnah priă mờ broă dong kờl, bơcri priă bơ\t bơtàu phan bơna kuơmàng kờ` pal geh, ai tơl bơta bơtàu tơnguh rài kis làng bol in, lơh tam gơl muh mat tiah [òn lơgar.

                                       Gùng [òn lơgar pa tàm xã Ia Yok

Ồng Siu Nghiệp, Chủ tịch UBND xã Ia O, pà gi\t: “Ală anih lơh broă chính trị bơh xã dê tơrgùm dong làng bol tam gơl rơndăp tăp sèng chi tam, phan ròng, sơrbì te\ ală adat bơhìan bơngơl gơla ờ niam ờ gam kuơ tai lik bơh rài kis, đòm jat ngui măy mok bơta jak chài pa rài do dê tàm broă lơh sa. Mơkung pơgồp bal mờ ală anih lơh broă tàm xã ai broă lơh ai làng bol tàm xã in, pơgồp bơnah kơ\ kơl jăp rài kis, gơmù khà hìu r[ah gơmù gam 8,5%”.

Ồng Nguyễn Văn Đính, Kuang atbồ Phòng Kòn cau kơnhoàl Ia Grai pà gi\t, tàm 3 nam do, kơnhoàl neh lơh mờ sền gàr, lơh niam wơl 82 gơl gùng bal mờ kờp jơh priă tă lơh là 37 tơmàn 500 tơlak.

Bal mờ hơ\, kơnhoàl dong kờl rlau 300 nơm kơnrồ me, pà rlau 350 tấn phơng sih ală bơta; lơh 2 rơndăp broă lơh  ơm kis lơh sa kơ\ dùl bă tiah mờ bơ\t bơtàu 8 anih ơm kis lơh sa kơ\ dùl bă tiah ai mờr 300 hìu bơnhă làng bol in bal mờ rlau 1.100 nă làng bol, lơh 1 rơndăp broă lơh ơm kis lơh sa kơ\ dùl bă tiah tơrgùm bal tàm xã tiah nhàr lơgar.

Tu\ do, kơnhoàl pơn jat tai lơh 19 gơl gùng, dong kờl bơtàu tơnguh lơh sa, lơh uă broă lơh broă sa, rề ơnàng lơh uă broă lơh tơrmù r[ah, pơgồp bơnah lơh niam rơndăp tăp sèng phan bơna, tơnguh cồng nha lơh broă, bơtàu tơnguh rài kis ai làng bol ơm kis bơh yau dùl bă tiah in.

Jơh nùs bơsram mờ lơh jat krơh Bác Hồ dê

Ală nam do, ală anih lơh broă, ală tiah tàm Ia Grai neh lơh jat niam broă bơsram mờ lơh jat nùs nhơm, bồ tơngoh, rài kis mờ broă lơh jak Hồ Chí Minh dê gơ jat bal mờ lơh jat Kơrnoat Dà lơgar 4 khoá 12, lơh jat niam nùs nhơm sền tìs di is mờ sền tìs di, jơnau gi\t wa\ lơh jat adat boh lam.

Kuang bàng, công chức, viên chức bơ\t bơtàu mờ lơh jat jơnau hơ pơrgon bơsram tàp niam să jan bơh ală broă lơh loh làng gơ jat tàm gơnoar broă, kơnòl broă geh jàu, bơ\t bơtàu nùs nhơm lơh broă rềp mềl mờ làng bol, sền ki ngàm làng bol, lơh geh bơta gơ tam gơl niam tàm tơl tiah, anih lơh broă, mờ mpồl lơh broă.

Ală phòng, ban lơh broă ờs mờng bơh kơnhoàl dê sùm pơgồp bal mờ ală xã, thị trấn lùp kờ` gi\t broă gơlik geh, bơsong di tu\ ală broă pa gơlik geh bơh [òn lơgar, ờ go\ di lời gơlik geh tiah gơbàn uă bơta ờ suk tàm mpồl bơtiàn làng bol; tơrgùm lơh niam wơl, lơh kơ\ kơl jăp ală anih lơh broă geh bơta gơ tơngo\ ờ pràn jak jo\ jòng, lơyaì tam gơl.

Ồng Nguyễn Ngọc Anh, Chánh Văn phòng Hội đồng Nhân dân, Ủy ban Nhân dân kơnhoàl Ia Grai, yal: “Ală dơ\ broă pơneh ờ niam, ờ suk mờ làng bol sền gròi geh kuang đơng lam bồ kơnhoàl tơrgùm đơng lam, bơsong geh cồng nha.

Bè neh ai ù lơh gơl gùng pleh lòt gan 3 xã: Ia Sao, Ia Dêr, Ia Pếch, jàu mpồl lơh gùng in nàng lơh di tơngai; broă tơm priă ai ù làng bol xã Ia Bă in, bơsong toh ai wơl ù gơtìp sơgràm tàm jat kềng gah gùng càr 664, gơl lòt gan thị trấn Ia Kha geh bơsong jơh mờ niam ngan…

Mờ cồng nha broă lơh lơh niam wơl sră pơ àr dà lơgar, khà bơsong sră pơ àr dà lơgar di jơnau hơ kung lơh geh uă sơl. Tàm ù tiah kơnhoàl neh geh uă anih gơguh jak, kuơmàng tàm srơh tàm pơrlòng “Ia Grai tơrgùm bal pràn bơ\t bơtàu [òn lơgar pa”. Tus tu\ do, jơh gùt kơnhoàl geh 4 xã geh tơl khà [òn lơgar pa”, ồng Nguyễn Ngọc Anh pà gi\t bè hơ\.

                               Làng bol xã Ia Sao tàm yal tơngi\t bal bè bơta mờng chài lơh sa

Tàm khà ală pơnrơ gơguh jak geh bi Rơ Com H’Lê, Kuang atbồ Mpồl cau ùr xã Ia Dêr. Bi H’Lê neh jơh nùs ngan mblàng yal, hòi jà kuang bàng, cau tàm mpồl bal mờ cau ùr lơh jat niam srơh “Bơ\t bơtàu hìu bơnhă 5 ờ, 3 sàng goh”, dơ\ lam sồr “Jơh gùt làng bol tam klac bal bơ\t bơtàu [òn lơgar pa, tiah drà jak chài”.

Bi gam hòi jà cau tàm mpồl cau ùr tàm dong kờl bal mờng chài lơh sa, bơtàu tơnguh rài kis hìu bơnhă, gàr sùm srơh “Khàp phe tềm pềr” nàng dong kờl ală hìu bơnhă kal ke, dong lơh sră nggal nàng cau tàm mpồl cau ùr in càn priă bơcri tàm broă bơtàu tơnguh lơh sa, ròng phan, lơh ngan pơđơl pràn klàs bơh r[ah mờ bơtàu tơnguh rài kis…

Kung tàm srơh do sơl, ală anih lơh broă chính trị xã Ia Yok neh sền dờng màng mblàng yal, hòi jà làng bol dùl nùs bal tus bal tă pơgồp gi\t nđờ rbô ngai lơh broă mờ tă pơgồp gi\t nđờ tơmàn priă nàng lơh rlau 15 kơi sồ gùng dă cài, lơh mờ sơmang 15 kơi sồ gùng lòt tàm ală thôn, [òn mờ rlau 12 kơi sồ gùng lòt tàm sươn sre.

Ồng Ksor Hyek, Kuang atbồ thôn Dút 1, xã Ia Sao chờ hờp đơs: “Nàng bơ\t bơtàu [òn [òn lơgar pa tàm làng bol kòn cau, làng bol [òn lơgar neh tơryăng tơryồng ngan lơh broă lơh sa, tă pơgồp bal priă jền mờr 800 tơlak lơh 1 kơi sồ 2 gùng lòt. Ală hìu bơnhă gam lơh hìu jă brê, wàng ròng phan mờ lơh niam wơl hìu ơm niam bơne\ ngan tai, sền gàr tiah ơm kis tơlir niam sàng goh, rài kis phan bơna mờ nùs nhơm ngai sơlơ bơtàu tơnguh, mờ jak chài.

Cau mblàng Lơ Mu K’Yến