Dăk Nông lơyài tă tơm priă dong kờl ai kwang bàng tus bal tàm broă lơh rơcang sơndră kòp Kovid-19 in
Thứ năm, 11:19, 01/06/2023 Cau mblàng K'Duẩn/ VOV Tây Nguyên Cau mblàng K'Duẩn/ VOV Tây Nguyên
VOV4.K'Ho - Tus tŭ do, tàm càr Dăk Nông kung gam ờ hềt lơh gơs broă tă tơm priă dong kờl gơ wèt mờ ală kwang bàng, cau lơh sơnơm tus bal rơcang sơndră kòp.

Kòp Kovid-19 neh gơtùi gròi sền mờ gam geh Mpồl đơng lam dà lơgar bè rơcang sơndră kòp bơtờp sền sơ wì lơh nền tam gơl gơs mpồl kòp ờs mờng, mơya tus tŭ do, tàm càr Dăk Nông kung gam ờ hềt lơh gơs broă tă tơm priă dong kờl gơ wèt mờ ală kwang bàng, cau lơh sơnơm tus bal rơcang sơndră kòp. Lam lơh broă dong kờl rơcang sơndră kòp jat Nghị quyết sồ 16 nam 2021 bơh Cíñ phủ dê, tơnơ̆ uă dơ̆ tă tơm priă, tus tŭ do, càr Dăk Nông kung gam dồs mpồl kwang bàng, cau lơh sơnơm kòp jơh khà priă rlau 32 tơmàn đông.

Tàm pơrjum tàm jàu broă lơh sră ƀău pa do, mò Tôn Thị Ngọc Hạnh, Phó Củ tịc Ủy ƀan Ñân zân càr Dăk Nông yal, geh uă jơnau lơh càr lơyài tă tơm priă dong kờl ai kwang bàng cau lơh sơnơm tus bal rơcang sơndră kòp Kovid-19 in. Dùl bơnah tài càr gam kal ke, ờ gơtùi ai priă jền, dùl bơnah tài pal lơh jat broă gròi sền nền nòn jat jơnau cih adat boh lam dê.

Cau mblàng K'Duẩn/ VOV Tây Nguyên

Viết bình luận

TIN CÙNG CHUYÊN MỤC