Dờp jơnau jà bơh Thủ tướng Cíñ phủ ồng Phạm Minh Chính, Thủ tướng lơgar Australia ồng Anthony Albanese geh tus còp mùl màl lơgar Việt Nam bơh ngai 03 tus 04 nhai 06 nam 2023. Do là dơ̆ tus còp lơgar Việt Nam mùl màl sơnrờp ngan bơh ồng Anthony Albanese dê tàm gơnoar broă Thủ tướng lơgar Australia. Lơgar Việt Nam mờ lơgar Australia lơh bơta git gơ̆p lơh broă bal mờ lơgar ndai pơgăp mờ do 50 nam, tàm nhai 02 nam 1973.

Neh rơlao 50 nam, bơta git gơ̆p bal đah bàr lơgar neh tơnguh bơtàu pràn, tàm hơ̆ uă ngan là bơh tŭ gơs lơgar lơh broă bal jŏ jòng pơgăp mờ do 5 nam. Dơ̆ tus còp lơgar Việt Nam do bơh Thủ tướng lơgar Australia ồng Anthony Albanese là dơ̆ tus còp mùl màl lơgar Việt Nam sơnrờp ngan bơh ồng dê tàm gơnoar broă Thủ tướng lơgar Australia mờ là dơ̆ tus còp mùl màl lơgar Việt Nam dơ̆ pe bơh dùl Thủ tướng lơgar Australia dê. Đại sứ lơgar Việt Nam tàm lơgar Australia ồng Nguyễn Tất Thành đơs tờm, dơ̆ tus còp do pà gŏ gơnoar atbồ Kông đảng bơh Thủ tướng ồng Anthony Albanese geh sền kwơ ngan mờ kờñ lơh pràn bơta git gơ̆p mờ lơgar Việt Nam.