Đơs tàm dơ̆ bơyai lơh, Thủ tướng Cíñ phủ ồng Phạm Minh Chính đơs loh tàm broă lơh rơcang lài bơcri priă mờ priă tă lơh, Cíñ phủ, Thủ tướng Cíñ phủ neh đơng lam nền nòn, kràñ cê ngan mờ sồr ală ƀộ, gah broă lơh lơh broă jơh gùt trồ mang, gùt ngai rlô, ngai chờ nàng ờ hềt tus 5 nhai kờp bơh tŭ yal dơ̆ sơn rờp, jơnau lơh nền bơcri priă bơh 4 rơndap broă lơh dềt dê neh geh ring bal. Thủ tướng sồr ală kâp gơnoar atbồ 9 càr geh Rơndap broă lơh lòt gan pơgồp bal mờ cau tờm bơcri priă pơn jat tai sền gròi, sền sơ wì nàng gàr kơ̆ kơljap, ngai sơlơ tam gơl, tơnguh niam rài kis làng bol gơtìp gơ rềng tàm tiah geh rơndap broă lòt gan jat di nùs nhơm tiah ơm pa pal êt ngan là ndrờm mờ pal niam rlau mờ tiah ơm yau.